Post by Mohamed Abuissa ⌖

في بوست 2 قولت ان الـ GTM Engineer بيبني ال system.. بس فيه كلمتين الناس بتخلط بينهم وهما اساس الدنيا كلها: Process و System. والخلط ده هو اللي بيخلي ناس تقول "احنا عندنا استراتيجية GTM" وهي عمرها ما جابت ديل واحد بيها. فخليني افصّلهم، لان ده اساس كل اللي جاي. الـ Process هو مجموعة خطوات بترتيب. مين هيشتري؟ ازاي توصله؟ ازاي تقنعه؟ ازاي تقفل؟ ازاي تخليه يرجع تاني؟ الاسئله دي مع بعض هي الـ process.. خطوات واضحه بترتيب واضح. الـ System هو نفس الـ process لما يشتغل كمنظومه كامله.. فيها feedback بين الخطوات، kpis، وكل حاجه مبنيه علي اللي قبلها بشكل يخلينا نوصل للهدف اللي احنا بنتحرك عليه والنقطه المهمه: الـ GTM Engineer مش بيخترعلك الـ process. الـ process لازم تكون موجوده اصلا بس محتاجه حد يحط عليها ال system layer. فال gtme هنا هو بيـ engineer الـ system اللي بيخلّيها تشتغل صح وتتحسّن مع الوقت. عشان كده في Heist، قبل ما نفتح اي تول، عندنا habit بتاخد 60 ثانيه بس بتوفر وقت محترم بنعمل جوجل شييت وبنكتب وبنقسمه 3 tabs - الـ Inputs.. ايه الجاي ليا؟ (ليست اسامي؟ CSV من الـ CRM؟ ولا لسه مفيش حاجه؟) - الـ Logic.. ايه اللي لازم يحصل عشان الـ input ده يبقى output؟ - الـ Outputs.. ايه النتيجه اللي عايزها بالظبط؟ اي workflow في الدنيا سواء Clay Tabel اي sequence، اي اوتوميشن.. هو بيكون مبني علي التلاته دول. وده اللي بيخلي ال gtme مميز عن اي حد لان هتلاقي مثلا ال sdr بيقول "الكامبين دي مجابتش نتيجه يللا نعمل كامبين تانيه ويغيّر حاجات بشكل عشوائي عشوائي، الgtme بيميل انه يسأل المشكله في الـ input ولا الـ logic ولا الـ output، وبعدين يبدا يشتغل علي النقطه اللي فيها المشكله وفي الجزء الجاي هنبدا نبني الsystem بعد ما اشتغلنا علي ال mindset، واول جزء هيكون معانا هو اهم سوال فالsystem كله: مين العميل اصلاً اللي مفروض اروحله؟ بكرا هيكون فيه سيشن بشرح فيها اكتر عن ال GTM Engineering بشكل اكبر لو مهتم تحضر لينك التسجيل فاول كومنت. #gtm_بالعربي