Post by Mohamed Abd Elkreem

السوق المصري من ضعفه في التعيينات الهندسية وخصوصًا في قسم هندسة الاتصالات، حصر خريجين الـ Fresh Graduate في كام مجال معروفين: 1- GNOC / FO Engineer (Mobile Communication) وده حرفيًا بيكون خاص بخريجين هندسة اتصالات، لكن فيه بهدلة كبيرة، شيفتات طويلة ممكن توصل لـ 12 ساعة، ومرتبات تعتبر ضعيفة بالنسبة لمهندس. وفي تخصص ناس شايفاه أسهل شوية وهو: Back Office (BO) وده بيشتغل فيه ناس كتير بعد فترة من الـ FO، وكمان ممكن تلاقي خريجين من تخصصات تانية زي حاسبات ومعلومات شغالين فيه، وبيكون شغل Indoor وأهدى من الـ FO. ⸻ 2- مجال الـ IT سواء: * IT Core * IT Technical Support * IT Help Desk * IT Specialist في مصر غالبًا بيكونوا شبه بعض، وفي شركات كتير الشغل بيكون أقرب لـ Call Center، متابعة مشاكل العملاء وحلها عن بُعد باستخدام برامج زي AnyDesk، سواء مشاكل طابعات أو Users أو غيره. ولو المشكلة ما اتحلتش، المهندس بينزل الموقع (Site) عشان يحلها. ⸻ 3- Light Current Engineer وده بيكون مسؤول عن تنفيذ مشروع التأسيس الشبكي في المواقع، زي: * Data Communication Design * Intercom System * Fire Alarm System * Audio System * CCTV Systems وكمان لازم يكون عنده خبرة قوية في AutoCAD لأنه بيكون مسؤول عن إدارة كل تفاصيل المشروع. ⸻ 4- FTTH (Fiber To The Home) من المجالات المنتشرة حاليًا، بيعتمد على شغل الفايبر والتركيبات في المواقع (Sites)، وغالبًا بيكون شغل ميداني، ومرتباته في البداية بتكون محدودة. ⸻ الخلاصة إن أغلب خريجين هندسة الاتصالات بيبدأوا في المجالات دي، لكن التحدي الحقيقي هو إنهم يطوروا نفسهم بعد كده ومايفضلوش محصورين فيها، لأن في مجالات تانية أقوى وأقرب للتخصص زي: * RF Planning & Optimization * Transmission (Microwave & Fiber Design) * Core Network ——•——– منقول