Post by Moaaz Sawaf

بالنسبة لأهلي، ولكتير من السوريين، قيمة المال مو بعدد الأصفار ولو كانت كتيرة، الأهم هي القيمة المُدرَكة (perceived value): الرقم نفسه ولو حسبناه عالدولار، بيختلف معناه من دمشق لـ باريس أو برلين. القرشُ بالنسبة إلنا هو جدار أمان بوجه معترك المتغيّرات الدائم: حربٌ، نزوح، انهيار عملة، مرضٌ بلا تأمين. في مصطلحات نفسيةبتم إستخدامها كتير بالتسويق للتحكم بسايكولوجيّة "الزباين" بشكل عام والمقامرين بشكل خاص متل: (scarcity mindset) عقليّة الندرة و(loss aversion) أو النفور من الخسارة. لياللي شاف الوجه التاني من الدنيا، الخوف من بكرا هو محرّك نفّاث وخسارة المال أقوى أضعاف من فرحة كسبه. ياللي جرب مرارة الخسارة غير ياللي بيجيه راتبه من الدولة، بس لأنه مواطن. بدول أوروبا ياللي عندها توجّه إجتماعي نوعاً ما (l'État-providence / der Sozialstaat)، الحقيقة من وجهة نظرهم أبسط بكتير: قليل ياللي بخافوا من بكرا. مافي «جمعيّات» سكنيّة ممكن تبلع مكمورة العمر لأنو قرّروا يبيعوا هوا بدل ما يبعوا بيوت ليسكنوا المنتسبين. مافي حدا بلا دخل مهما كان وضعه أو وضع أهله (RSA، allocation chômage، Bürgergeld). مافي استغلال (مفتوح)، بل محدود بالقانون بساعات عمل وراتب (SMIC في فرنسا، Mindestlohn في ألمانيا) وتغطيةٌ صحيّة شبه شاملة (Sécurité sociale). بأميركا، المال رمز قوّة وسيطرة وهيمنة، بيكفي الواحد يجيب كيس بوشار ويستمتع بأي مشهد عشوائي من مشاهد الرئاسة الأميركيّة أو بالصورة النمطية للأميركي: loud, bold & larger-than-life. الاستهلاك التفاخري (conspicuous consumption)، يعني الصرف ليس للتملّك، بل ليشوفونا الناس. وفي مجتمعاتٍ تانية المال بصير أداة اجتماعية، لكن بيد الأفراد مو الدولة: الكرم والعطاء بيعملو المكانة الإجتماعيّة الحقيقيّة. مشان هيك لما شوف الأوروبي عم يصرف آخر مصاريه على عطلة، عادي. أصلاً انا لو كان معي زيادة راتب كنت سافرت كمان .. كل ياللي معي عم حولهم على سوريا عن طريق 7aّwel 😅 بالحقيقة، نفس المبلغ، شخصين، قرارين مختلفين تماماً. هي الأغنية خلتني كتير فكّر بالموضوع مؤخراً «L'histoire d'un petit pêcheur» : حكاية (الصيّاد القنوع) ياللي بيشتغ الصبح فقط وبيكتفي بقوت يومه وسعادة عائلته، بينما بيركد التاني ورا «كمان وكمان» بشكل مستمر لحتى يحصل على ياللي عنده ياه الصيّاد القنوع. يمكن الحقيقة بالنص؟ https://lnkd.in/egT5Asxx