Post by Menna Essam

حابه افكركم اننا مش أجزاء منفصلة إحنا كيان كامل متصل ببعضه.. المخ بالجسم بالعضلات ال Gut-brain axis حاجة مهمة جدا، مخنا هو معدتنا حرفيا.. نخلي بالنا بنحط فيها إيه -إحساسنا بكل شيء بنعمله واتصالنا بيه مهم أهمية الشيء نفسه.. ممكن أعمل هوايات كتير بحبها بس أنا داخليا منفصلة عنها ومش موجودة فيها إحنا طول الوقت متوترين، جسمنا في حالة دفاع.. أمعاء منقبضة وجسم مشدود.. إحساس بعدم الراحة تعرفوا أن التوتر بشكل عام بيعمل انقباض العضلات المعدة نفسها فممكن يقلل نسبة امتصاص الأودية والمكملات اللي بناخدها؟ يعني بناخد العلاج وبنعمل إللي علينا بس مش بنستفيد بيه.. عشان طول الوقت بنحاول نثبت حاجة أو مستنيين نتيجة أو متوترين:(( -العضلات مهمة جدا لمستوى السكر في الدم، ولمخنا ولعضمنا ولصحتنا النفسية - إحساسنا بوزننا مش بس شيء مادي، إحنا ممكن يبقى جسمنا مش قادرين نحركه عشان حالتنا النفسية مش كويسة - جودة الأكل مهم جدا.. الأكل ببطء مهم أكتر - مخنا عنده مرونة عصبية عالية (Neuroplasticity) ممكن نتعلم ونتغير في أي وقت وفي أي عمر مفيش حاجة اسمها خلاص كدا.. - عضلات قاع الحوض كمرونة وقوة هي أساس أي ست عندها اتصال عالي بجسمها وقوية فعلا.. -جسدنا مبهر.. ربنا سبحانه وتعالى قيوم على كل ذرة فينا.. -كل معاني القوة واليقظة والاتصال بجسمنا اللي بنحاول فيهم طول حياتنا.. أو شيء بيتحسن بيهم فعلا هو علاقتنا بربنا والصلاة وبالخشوع والاحساس بكل حركة وكل كلمة مش بتكون مجرد معاني دنيوية فقط، أثرها فعلا بيكمل معانا إيمانيا جدا ودا بيكون أصدق شيء بنحسه خلال الرحلة دي.. -الصحة هي أثمن شيء يمتلكه الإنسان على وجه الأرض.