Post by Menna Badr
Aspiring HR Professional | General Team Leader at ESCD Training Program | HR & Sales at Alpha | Social Work Student | Passionate about Leadership & Making Impact
"منة هدية من ربنا ليا" الجملة دي قالتها د. Samah Gad أمام كل الطلاب في نهاية التدريب في اللحظة دي افتكرت البنت اللي كانت واقفة من سنة ونص في أول تدريب ليها، وخايفة ترفع إيدها لما الدكتورة سألت: "مين حابب يكون Team Leader؟" أنا كنت عايزة أرفع إيدي.. بس خوفت. خوفت من المسؤولية. وخوفت أفشل. فمرفعتش إيدي. قبلها بسنين كان فيه سؤال من كلام أستاذ أحمد الشقيري بيلف في دماغي دايمًا: "ما دورك في التغيير؟" كنت بسأل نفسي: هل هدخل الكلية وأخرج منها نفس الشخص؟ ولا هقدر أسيب أثر في الناس اللي حواليا؟ ويمكن ده السبب اللي خلاني كل ما أتعلم حاجة أحاول أساعد بيها حد، وكل ما أشوف فرصة Leadership أحاول أقرب منها حتى لو كنت خايفة. في سنة تالتة بدأت التدريب في مكتبة مدينة نصر العامة التابعة لـ Egypt's Society for Cultural & Development. ومع الوقت بقيت Team Leader، وخدت أول فرصة قيادة حقيقية ليا من خلال تنظيم وقيادة الندوات والفعاليات ، لكن أكتر حاجة أثرت فيا مش الندوات. كان الـ General Team Leader المسؤول عن كل المجموعات. ومن أول ما اتعين، كنت بقول بيني وبين نفسي: أنا هكون General Team Leader بعده السنة الجاية. المشكلة إني وقتها مكنتش أعرف إزاي. فاكرة إني كنت دايمًا أساعده في الشغل رغم إن ده مكنش مطلوب مني، وأتابع شغل المجموعات وأحاول أتعلم منه أي حاجة أقدر عليها. وكان عندي طالب اتنقل لمجموعتي ومكنش متأقلم ومش حابب التدريب. بدل ما أركز إنه عقبه، حاولت أفهمه وأساعده يندمج مع الفريق. وبعد فترة بقى جزء من المجموعة ولسه بينا تواصل لحد النهاردة. وخلصت سنة تالتة، قررت أحول الرغبة دي لهدف. SMART Goal إني أبقى General Team Leader السنة اللي بعدها. وأخدت كورسات Leadership و Public Speaking وتعلمت أكتر عن HR. ورجعت سنة رابعة وأنا مش جاية أجرب..أنا جاية أحقق هدف. وبعد فترة من بداية التدريب تم اختياري General Team Leader، وبقيت مسؤولة عن 8 مجموعات تدريبية تضم 68 طالب وطالبة. 📍 4 مجموعات للفرقة الثالثة. 📍 4 مجموعات للفرقة الرابعة. وكانت المجموعات موزعة بين - مكتبة مدينة نصر العامة - المقر الرئيسي للجمعية - مؤسسة الزيتون للاحتياجات الخاصة التابعة للجمعية - مدرسة آباء وأبناء للاحتياجات الخاصة دوري مكانش مجرد لقب. كنت بتابع 8 مجموعات تدريبية، وأراجع التقارير والسجلات، وأنسق بين المؤسسات المختلفة والدكتورة المشرفة، وأساعد الليدرات وحل المشاكل ومتابعة التكليفات. وخلال الرحلة دي قُدت 4 ندوات و2 احتفالية. ومن أكبر التحديات قيادة ندوة مُجمعة شارك فيها 28 طالب مع ليدر مساعد، والإشراف على مناظرة مُجمعة شارك فيها 26 طالب بينما كنت مسؤولة عن متابعة العمل بالكامل كـ General Team Leader، وإقناع بعض المجموعات بالتجربة، وكواليس كتيره لكن أكبر إنجاز بالنسبالي مكانش عدد الطلاب. ولا عدد الفعاليات. ولا حتى لقب Best General Team Leader. أكبر إنجاز إن البنت اللي كانت خايفة ترفع إيدها أول يوم. حققت الهدف اللي كتبته لنفسها. وفي نهاية الرحلة تم تكريمي كـ: 🏆 Best General Team Leader والحمد لله... الحلم اتحقق. وأعتقد ان دي إجابتي الخاصة على سؤال: ما دورك في التغيير؟ ويبقي استلام شهادات التكريم الرسمية آخر فصل في رحلة بدأت بسؤال وانتهت بتحقيق هدف. شكرًا Dr.Samah Gad على الثقة والدعم. وشكرًا لمكتبة مدينة نصر العامة و Egypt's Society for Culture and Development على تجربة شكلت شخصيتي. وشكرًا لكل من كان جزءًا من الرحلة.🤍 From a student searching for her role in change. #Leadership #HR
