Post by Mayar Alahmad

من لا يشكر الناس لا يشكر الله في ناس عندن قدرة على مساعدة الغير بشكل فطري وبدون أي تكلف والأستاذ Ghadeer AlHasan واحد من هالناس - أول مرة حكيت معو كنت سنة تالتة وكنت محتار كمل بمسار الـ ICPC ولا بالـ Frontend وسألتو بدون أي معرفة مسبقة وكنت ناطر مجرد رد بسيط، بس الرد كان بأكتر من فويس عم ينصحني فيهن شو أعمل وبإهتمام واضح أنو يساعد مو مجرد رد وخلص - بتدور الأيام وبتخرج وببلش رحلة البحث عن شغل وبرجع ببعتلو بس هالمرة عم اسألو عن أي نصائح برحلة البحث عن عمل، بس فاجأني بلطفه للمرة التانية أنو اقترح عليي بدل مايعطيني اجابة مختصرة أنو نفوت ميتينغ ويقلي فيه شو ساوي وحددلي موعد نحكي فيه - مرق الموعد وماحكينا وأنا مارجعت ذكرتو باعتبار أني بعرف أنو شخص مشغول وبعد فترة هوي بعتلي واعتذر مني أنو اتأخر عليي لظرف صحي وبعتلي رابط الميتينغ - هي الإستشارة اللي ممكن تكون عند كتير عالم خدمة مدفوعة، قدملي ياها ساعة كاملة بشكل مجاني بدردشة كانت اقرب لدردشة مع اخوك الكبير اللي بدو ياك تنجح عطاني فيا نصائح لتحسين حسابي اللينكدان ولتزبيط الـ CV وبعتلي فيا مواقع لزبط الـ CV وقلي اعمل النصائح وارجع ابعتلو ليراجعلي ياهن - طبعاً هي كلها تجربة شخصية فقط لأنو إسهاماتو أكبر من هيك بكتير من أنو كان كوتش بالمسابقة البرمجية ومن أهم الناس اللي مروا على جامعة حمص بالمسابقة - مروراً بقناة غاردينيا تك اللي عمل عليها كورسات C++ و Java ضلينا ندرس منن فترة الجامعة وبعدين صار يقدم نصائح للبحث عن عمل بالإمارات وعمل بودكاست نقل فيه خبرات ناس تانية - وأخيراً بمنصة سراج اللي اساتو عم يشتغل عليها لمساعدة الخريجين الجدد ليلاقوا فرص بالسوق أنا حالياً وبعد مادخلت السوق مستحيل انسى الناس اللي ساعدتني بهديك الفترة الصعبة ومنهن الأستاذ غدير اللي استفدت منو بأكتر من مرحلة بدءاً من مرحلة الدراسة وصولاً لمرحلة العمل مابعد التخرج بالنهاية هالبوست مجرد شكر بسيط للأستاذ غدير لكلشي قدمه وعم يقدمه والله يبعتلك كل خير بطريقك ❤️