Post by Maryam Mahdy مريم مهدي

فكر كده انت بتشتغل بأنهي نسخة منك الأولى ولا التانية ولا التالتة أفضل ساعة ونص استثمار في شهر 7 لما الزميل العزيز Tarek Elhussieny اقترح علي اشوف حلقة بودكاست الترينر لمهندس/ أحمد بدر Ahmed Badr الحقيقة الحلقة دي مش مجرد حلقة بودكاست انا اعتبرتها تفويقة لعقلي الحقيقة اي حد في مجال ال Learning & Development محتاجها وتخلي يعيد تفكير في رؤيته كلها وافكاره اتجاه شغله والمجال والتركيبة الي بيشتغل بيها - ال Learning مصدر الفاعل منه هو ال Learner فاحنا نسيتا ال Learner ودوره وبقينا نركز على التدريب والمدرب ومفكرناش هو ال learner هيجي هنا ليه - محتاجين نفكر في ال selfish motive الي هيخلي ال learner يجي ويعد في قاعة التدريب ايه الي جايبه هنا وجاي عشان يخد ايه بالظبط - البشرية كلها على مر التاريخ اتعلمت من الفشل والتجربة والخطأ - "سورة الكهف" اكبر مثال على رحلة ال mentorship الي ممكن تخد فيها ال learner مع كل تجربة بتحصل والرحلة الي بتم - "فيه فرق كبير بين انت مصدق ايه وانت بتعمل ايه؟" لما م/ أحمد قال الجملة دي جيه على بالي علطول الآية الكريمة "كبر مقتاً عند الله أن تقولوا ما لا تفعلون" لأني دايما بدعي ربنا اني مكنش من الناس الي بتقول عكس ما تفعل أو اني اكون بقول مبادئ مش بطبقها على ارض الواقع - فيه فرق كبير بين المدرب والمؤدي Trainer & Performer.. المدرب هو الي بيقدر يخرج الناس من التدريب بقيمة حقيقية وفرق حقيقي .. انما المؤدي أي شخص ممكن يقف يقول ويرص شوية معلومات وخلاص - الي بيخسر في ال simulations الي بنحط فيها الناس في تجارب حقيقية في التدريبات هو الي بيتعلم بجد وبيقدر يرجع يطبق ويتفادى الأخطاء لانه لما خسر عرف هو غلط في ايه وهيقدر يصلح اخطاءه - اكتر حاجة بقى كانت ملهمة بالنسبة لي بجد الجزئية لما مشرف الماجيستر مقراش او مقترح كتبه م/ أحمد ولا تاني مقترح لحد ما عمل مقترح تالت عشان كل مرة كان بيقوله You can do better than that وهو مقراش حاجة اصلا.. وفي الاخر قاله عشان احنا دايما عندنا الاحسن بس بنشتغل باول إصدار منينا عشان مش بنستمثر كل قدراتنا بشكل حقيقي وان اول مرة مش احسن حاجة ولا تاني مرة وان فيه اصدار تالت بيكون هو الافضل .. وحقيقي قعدت أسال نفسي كتير هو انا فين بشتغل بأي اصدار من نفسي - وختم م/ أحمدبنصيحة لكل مدرب "اتعلم كويس، كويس اوي، ادخل قاعة التدريب وانت Qualified with experience في الموضوع الي بتقدمه.. لازم الي هتقدمه في قاعة التدريب يكون بيمثل 10% بس من قدراتك ومهاراتك، اشتغل على الموضوعات الي عندك فهم وعمق وخبرة حقيقية فيهم" شكرا م/ أحمد على ساعة ونص من اجمل ما سمعت والله وشكرا أحمد وأدهم على البودكاست الرائع والمجهود الكبير Ahmed ZAKIAdham Omar لينك الحلقة https://lnkd.in/esqPH8SF