Post by Mark Pluymaekers

Dat ‘n kind in Limburg dialek mètkrieg van zien awwersj, is al lang neet mjeh vanzelfsjprekend. Väöl Limburgse awwersj praote waal plat mèt hun eige awwersj, hun vrun of personeel in de winkel, meh neet mèt hun kinger. Daobie sjpele versjillende faktore ‘n rol: unne partner dae gein Limburgs kint, hardnekkige misversjtande euver vermeinde naodeilige gevolge van ‘t sjpreke van Limburgs, of ‘n gebrek aan motivatie um Limburgs te blieve praote tege ‘n kind dat Nederlands tröksjprik. In ‘t kader van ‘t door Provincie Limburg gefinancierde projek Onderzoeksagenda Limburgs vroogte veer aan sjtudente van de opleiding Communication and Multimedia Design Maastricht um innovatieve communicatieprodukte te ontwikkele die (toekomstige) awwersj kinne sjtimulere um Limburgs bewus ‘n plek te geve in de opvoeding van hun kinger. Gistere höbbe de sjtudente hun concepte gepresenteerd op de locatie van hunne opdrachgever, Hoes veur 't Limburgs. V’r höbbe prachtige ideeje veurbie zeen kome: ‘n sjpel euver Limburgstalige meziek, unne app veur awwersj die in verwachting zeen, ‘n Instagram-campagne euver vergete wäörd, ‘n veurleesbeukske en nog väöl mjeh. Meh auch höbbe v’r kinne ervare wie dit projek unne groep jong luuj haet aangezat um te reflectere op de rol die Limburgs in hun leve sjpaelt, noe en in de toekoms. Allein dat is al ‘n fantastische oetkoms. Mèt dank aan Bart Hovens, Serge Gulikers, Dave Krapels en alle ander luuj die dit projek meugelik höbbe gemaak! ### That a child growing up in Limburg will by raised by its parents in the regional language is no longer self-evident. Many parents in Limburg speak Limburgish to their own parents, friends or employees in a store, but not to their children. Therefore, we asked students at Communication and Multimedia Design Maastricht to develop innovative communication products that can stimulate (future) parents in Limburg to give Limburgish a place in the upbringing of their children. Yesterday, the students presented their concepts at the location of their assignment provider, Hoes veur 't Limburgs. We were presented with some great ideas, including a quiz about music in Limburgish, an app for parents who are expecting, and an Instagram campaign about forgotten words. Moreover, we witnessed how this project has enabled a group of young people to reflect on the role of Limburgish in their own lives, now and in the future. That in itself is already a wonderful outcome. Many thanks to everyone who contributed to the realization of this project!