Post by Mariam GHRIBI
Head of HR & Communication | HR Transformation Leader | Workforce Strategy | Organizational Design | Strategic HR Leadership
La méthode DISC هي طريقة من طرق فهم وتحليل الشخصية بطريقة مبسطة ومش معقدة ياسر. تنجم تعاونك تفهم بعض ملامح من شخصيتك خاصة في المجال المهني و تسهّل عليك نسبيا التواصل وبالتالي تحسن من علاقاتك مع رؤساء العمل وزملائك وحرفائك والمحيط المهني لي داير بيك الكل. بالطبيعة هي مش مخصصة كان لمجال الأعمال، وتشمل جميع المجالات الحياتية ،وإذا تطبقها بالصحيح تنجم تعاونك في تغيير سلوكياتك التواصلية نحو الأفضل. إذا إنت قائد فريق أو مسؤول موارد بشرية مثلا ، methode DISC تنجم تكون هي التكوين الأنسب لي تبدا بيه تدريباتك مع أعضاء فريقك وزملائك الجدد. شخصيا ننصح بيها كثنية ساهلة ومفهومة كبداية لأي شخص يحب يحسن من مهاراته التواصلية. أما أنا مانقلكم وإنتم مايخفاكم ،اللي راهو مايلزمكش تكتفي بإنك تفهم نوع شخصيتك أو نوع شخصية الشخص المقابل. 😁 بعد المعرفة يجي التطبيق اللي ياخو برشا وقت وجهد أما يعطي نتيجة ممتازة. مش ساهل نغيروا من طباعنا للأفضل لكن مش مستحيل ! نهاركن زين 😊 #communicationskills #humanresourcesdevelopment #travaillerautrement #rh #travail
