Post by Majd Loubieh

كنت دايمًا أسأل حالي: هل انا عارف قدراتي؟ وهل بقدر اعكس مهاراتي ل اشي بحب اعمله على ارض الواقع؟وهل كل التعب، والشك، والخطوات اللي كانت تبين صغيرة… إلها معنى؟ واليوم، وأنا بوقف على نهاية مرحلة من Venture Lab Bootcamp، بعرف إنه الطريق ما كان سهل ولا حيكون سهل ،لكنه كان يستحق كل خطوة. تعلمت إنه النجاح ما بيجي بضربة حظ، ولا بيكون صدفة. بيجي من كل مرة بتوقع فيها وبتقرر تقوم، من كل مرة شكّيت بحالك لكن كملت، ومن كل باب تسكر بوجهك وخلاك تدور على باب ثاني. يمكن اللي وصلنا له اليوم هو مجرد بداية، لكن أجمل شعور إنك تشوف فكرة كانت قبل فترة مجرد حديث عابر، واليوم صارت على اعتاب انها تكون مشروع حقيقي، وآمن فيها ناس، ووقفوا يدعموها. قناعتي انه وصولك معتمد على عقليتك قبل ما يعتمد على فكرتك هي اول حافز خلاني في كل مرة اخد الخطوة لمكان ضبابي ما بعرف عنه اشي غير اشي واحد، "بدي اوصل" . كل الشكر والامتنان لكل شخص كان سبب، ولو بكلمة، أو بنصيحة، أو بفرصة، أو حتى بإيمان بسيط إنه “إنت بتقدر”. مرات الإنسان ما بحتاج حد يمشي عنه الطريق، بحتاج بس حدا يذكره إنه قادر يكمله. في بداية هالرحلة اللي ان شاء الله رح تكتمل ب افضل طريقة ممكنة بترتيبات رب العالمين وجهود منّا اكيد بحب اشكر احد اكثر الناس اللي آمنوا بعقليتي كوتش Sari Awwad صديقي واخوي الكبير. وشكر خاص لكل المدربين والمرشدين والداعمين Mohammed Khair Obaidat Romouz Sadeq Saleh AL-Hanash صالح الحنش Ala'a Aliens اللي ما كانوا مجرد أسماء، كانوا أثر حقيقي ترك بصمة في رحلتنا. وأخيرًا… أدركت إنه الأحلام ما بتتحقق لما الظروف تصير مثالية، الأحلام بتتحقق لما قرارك يصير أقوى من أعذارك. والرحلة؟ لسا بأولها. كل نهاية بنحتفل فيها… هي في الحقيقة أول سطر من فصل أكبر، هنا البداية وعلى الله الإتكال.