Post by Mai Zeyada

من طالبة... إلى مساعدة تدريس...هل حأطبق الطريقة الاتعاملوا بيها معانا؟ ولا هأحاول أكون الشخص الكنا بنتمنى نلقاه ونحن طلاب؟ قبل بضعة شهور بدأت رحلة جديدة في كلية العمارة – جامعة الخرطوم، لكن المرة دي ما كطالبة... كمساعدة تدريس في استديو السنة الثانية مع د. طلال سعيد Tallal Saeed وأ. دينا يوسف. Dina Yousif لما جاتني الفرصة، كان عندي سؤال واحد في بالي: هل فعلاً عندي حاجة أقدر أقدمها؟ الإجابة اكتشفتها مع الأيام....بس شنو الخلاني اخد الخطوة وابدا؟ اخترت السنة الثانية تحديداً لأنها بالنسبة لي أكبر turning point في حياة طالب العمارة في جامعة الخرطوم. هنا بنطلع من مرحلة تعلم الأساسيات وبنبدأ نفكر كمعماريين. لأول مرة بنصمم مشروع كامل، وبنواجه مشكلة حقيقية، وبنحاول نلقى ليها حل. ودي المرحلة البتفرق مع أي طالب... وكنت حابة أكون جزء منها. واحدة من أهم الحاجات الاتعلمتها خلال الفترة دي إن العطاء جزء من الرحلة. إحنا وصلنا لحد هنا لأن في ناس قبلنا قرروا يشاركوا معرفتهم وخبرتهم، رغم كل الظروف والتحديات. وكان أقل شيء أقدر أعمله إني أحاول أكمل نفس الدائرة. رغم انه عندي تجربة سابقة في تدريس اساسيات الكومبيوتر والتحضير للICDL ، لكن داخل العمارة الموضوع مختلف تماماً. التدريس هنا ما كان بس مراجعات وتصحيح مشاريع، كان تجربة إنسانية قبل أي شيء. اتعلمت أتعامل مع شخصيات مختلفة، وأفهم إن كل طالب عنده طريقته في التفكير، وإن دورك أحياناً ما يكون إنك تدي الإجابة... لكن إنك تساعده يوصل ليها بنفسه. ممتنة جداً للدكتور طلال سعيد والأستاذة دينا يوسف على الثقة والدعم، ولكل زميلاتي مساعدات التدريس: Zainab Osman، Abrar Zain ،Saja Abd Almoneim، فاطمة يوسف، رونق إبراهيم، على التعاون وتبادل الخبرات طوال السمستر. والشكر الأكبر لكل طالب كان جزءاً من الرحلة دي. وجودكم خلاني أتعلم بقدر ما كنت بحاول أعلّم. ودي كانت مجرد البداية... أما رحلة الـ Teaching Assistant نفسها، والحاجات الاتعلمتها من ورا الكواليس، فهي قصة تانية حأشاركها في البوست الجاي. 🤍 #Architecture #TeachingAssistant #UniversityOfKhartoum #ArchitectureEducation #LearningByTeaching #Mentorship #Sudan