Post by Mai E.
Academic English Proofreader & ESL Instructor | Helping Researchers & Postgraduates Write Clearly & Publish with Confidence 🌍
امبارح شفت بوست كوميدي على الفيسبوك بينتقد استخدام الذكاء الاصطناعي في كتابة المحتوى وكان بيقصد البوستات اللي بتستخدام ال reactions اللي زي دي 💡 🧠 📌 🎯 ✅ ✔️ 🔹 ➤ ❌ 🚫 ⛔ 👇 💬 👇👇 ❓ هو صحيح عنده حق لأن استخدام الذكاء الاصطناعي من الألف للياء بيلغي تماما شخصية الكاتب وبيضعف مهاراته ده غير أنه هو كدة معملش حاجة حرفيا غير إنه أعطى الأمر prompt، لكن الموضوع معايا مختلف شوية. ☺️ حاليا أنا عاملة كورس مجاني اسمه Academic Writing Mastery for Arab Scholars وبنشر على لينكدان وفيسبوك.👍 الكورس بيستهدف طلاب الدراسات العليا اللي بيكتبوا أبحاثهم ورسائلهم باللغة الإنجليزية. فكرة الكورس جت بسبب عملي كمدققة لغوية للأبحاث والرسائل العلمية ومن خلال شغلي لاحظت أخطاء مهولة في الكتابة الأكاديمية بتوضح إن المشكلة مش بس عند الباحثين لكن كمان عند المشرفين بتوعهم اللي عندهم أفكار خاطئة عن المجال وبيصروا عليها وكأنها أفكار معتمدة من جامعات عالمية.😏 ولأني عارفة إن في جدل هيحصل وفي دكاترة هتعترض قررت إني أضيف المصادر اللي اعتمدت عليها.😁 في حالة الكورس بتاعي مينفعش أبقى عاملة كورس عن الأخطاء الأكاديمية اللي بيقع فيها الباحثين وأروح عاملة كورس كله أخطاء وملوش مصادر علمية معتمدة ولا عاملة عليه مراجعة. 💪 المصادر أغلبها من جامعات زي كامبريدج وأكسفورد وبريستول وغيرها وكمان جزء الكتابة الأكاديمية الخاص بامتحان الايلتس. 🧐 عشان كدة قررت أجمعها وأعمل منها كورس لعل وعسى حد يستفيد منه. ومن ضمن الحاجات اللي بعملها هي الاستعانة بالذكاء الاصطناعي عشان يضيف reactions على البوست. ☺️ ال reactions مش مجرد رسومات شكلها حلو لكنها بتساهم في جعل قراءة البوست أسهل وأوضح.😀 ده غير كمان المسافات البيضاء اللي بتخلي القراء لا يشعروا بالملل. بالإضافة لكدة صورة البوست بعملها ب Gemini كعامل جذب لعين القارئ.🙂 فكرة اني أعمل ال reactions دي كلها بنفسي مرهقة ومضيعة للوقت عشان كدة باخد البوست وأقول لchatgpt قم بعمل تنسيق لهذا البوست وإضافة إلى reactions المناسبة لكل جزء.🙂 عشان كدة لو شفت أي بوست ومليان reactions ده مش معناه أبدا إن اللي كاتبه مبذلش فيه مجهود سواء في الفكرة أو البحث عن المعلومة والتأكد من صحتها.👍 بالمناسبة ال emojis الموجودة في البوست أنا اللي عملتها بنفسي بس بجد بتاخد وقت. قولولي بقى بتستخدموا الذكاء الاصطناعي في ايه في شغلكم؟ ☺ #AI #ContentCreation #AcademicWriting
