Post by Mahmoud Shendy
Project Manager | Owner’s Representative Mainly Specialist In Implementation Luxury Finishes Works A+ |Renovations, Maintenance, Innovation.
حاجة بسيطة ممكن تفرق مع حد كتير أول ما اتخرجت وكنت بلف على الشركات عشان ألاقي شغل كانت أكبر مشكلة بتقابلني إني في أوقات كتير مكنش معايا حتى فلوس المواصلات وكان بيضيع مني فرص كويسة بسبب ده غير إنك ساعات تروح شركة وتكتشف بعد كده إنهم كانوا بيعملوا انترفيوهات لمجرد تجميع CVs أو لأن الوظيفة اتقفلت بالفعل وأنت خسرت يوم كامل وفلوس ومجهود يمكن عشان كده من أول ما بدأت أي بيزنس خاص بيا كان عندي مبدأ بسيط الشخص اللي جاي يعمل Interview وقته له قيمة في الغالب أنت بتقابل واحد من اتنين - شخص لسه فريش أو مش شغال وظروفه المادية الله أعلم بيها - أو شخص شغال بالفعل أخد إجازة من شغله عشان يدور على فرصة أفضل واليوم ده غالبًا اتخصم من مرتبه علشان كده قررنا نعمل لفتة بسيطة كل شخص بيجي يعمل Interview عندنا بناخد منه CV وبنديله ظرف فيه مقابل بسيط تقديرًا لوقته ومجهوده يمكن المبلغ مش كبير بس الرسالة أكبر بكتير من قيمته لما تحترم وقت الناس الناس هتحترم شركتك ولو الشخص ده شاطر فهو غالبًا بيفاضل بين أكتر من شركة والتفاصيل الصغيرة دي ممكن تكون سبب يخليه يختارك ولو حتى متقبلش معاك هيخرج يحكي عن تجربته باحترام ويمكن يتمنى يشتغل معاك في يوم من الأيام أتمنى شركات أكتر تفكر في الفكرة دي مش لأنها هتكسب Employer Branding أقوى لكن لأننا كلنا في وقت من الأوقات كنا مكان الشخص اللي داخل يعمل Interview وعارفين قد إيه لفتة صغيرة ممكن تعمل فرق كبير ابدأ بنيّة إنك تسهّل على الناس والباقي هيجي لوحده ❤️ نقلاً عن Ahmed Alaa شكراً علي الإهتمام بالتفاصيل دي♥️ ياريت الرقي في الفكر يتطور و نقلد بعض في الصح
