Post by Mahmoud Romeh

حاسس انك نصاب صح او انك اقل من الناس الي بدات قبلك وكتبت كود ب ايديها صح ايوا انا كنت زيك برضوا ولكن بعد بحث و شقلبه وتفكير و اني اقلب من مقال ل مقال لقيتلك الحل الشعور دا اسمه متلازمه المحتال اه سمعتها قبل كدا الي هيا بتحسسك ان لولا وجود الشي دا كان زمانك صفر الحقيقه ان احنا في عصر ال ai هنسميها " متلازمه المحتال في عصر ال ai " الحقيقه ياصديقي انك لازم تفهم ان الحياه كانت قبل ال ai حاجه وبعد ال ai حاجه تانيه خالص قبل ال ai كنت بتمر بمراحل اسمها التعلم ثم الفهم ثم التطبيق ب ايدك اه التطبيق ب ايدك لان مكنش في حل تاني غير دا مش حب في الكتابه ب ايدك محدش كان بيحب يكتب كود ب ايده و يسهر طول الليل يدور علي غلطه كان ناسيها في الكود الا قالك انه بيحب كدا بيضحك عليك بعد ظهور ال ai الحمدلله اتشال العبئ دا نهائي فبقا ال ai بيكتب ف دورك هنا تحول من مجرد بتكتب كود ل دور مهندس البرمجيات الحقيق الي شغلته يفهم الكونسبت و يفهم ال architect و ازاي يطبقه ويليد علي ال ai ويوجه صح ويطلع منه ب الحاجه مضبوطه ١٠٠٪ اه انت لو فاهم architect اي حاجه هتقدر تبنيها ب ايدك من اول مره لو ركزت فيه و لو فاكر اني بكدب عليك خد اي كونسبت مش فاهمه و روح دور و هات ال architect بتاعه وافهمه وافهم تركيبته و ابدا طلعهم علي ورقه جانبيه و ابدا طبق دا هيبقي صعب بس مره و اتنين هتقدر تبنيه بنفسك ماهو الي كتبه واحد زيك كدا والله منزلش من السماء الفكره مش اني بعرف اكتب for loop صح من غير غلط الفكره اني اعرف امتي استخدم for loop صح وليه استخدمتها هنا وبس كدا لو وصلت لحد هنا كمل كتابه ب ال ai بس ارجوك تكون فاهم ال ai مطلع اي