Post by mahmoud abdo,MBA

فى الجزء الأول اتكلمنا إزاي نصنف الأصناف بمصفوفة Kraljic ونعرف نبدأ منين. النهاردة هنكمل الرحلة لمرحلتين تانيين أغلبنا بيهملهم - وده اللي بيخلي استراتيجيتنا "نص شغل". كمديرين مشتريات بدأنا يومنا بمصفوفة Kraljic. صنفنا الأصناف، حددنا الأولويات، وحطينا استراتيجياتنا اللي مكونة من 3 مراحل: خريطة الأصناف، بوصلة القوة، ومحرك العلاقة. **المرحلة الأولى: خريطة الأصناف (Kraljic Matrix) - إحنا بنشتري إيه؟ دي نقطة البداية. Kraljic هي خريطتك اللي بتحدد أهمية الصنف بناءً على (مخاطر التوريد vs تأثير الربح). الهدف: (Sorting). بتعرفك فين تحط مجهودك. الصنف الروتيني مش محتاج مدير مشتريات يقعد يتفاوض عليه يومين، والصنف الاستراتيجي مش محتاج مناقصة إلكترونية سطحية. **المرحلة الثانية: (Power Matrix) - "مين اللي ماسك زمام الأمور؟" هنا بيقع كتير من زمايلنا في الفخ. فاكرين إن Kraljic هي نهاية الطريق. الحقيقة إن بعد ما عرفت "إيه" الصنف، لازم تسأل: "مين الطرف الأقوى في العلاقة دي؟" الهدف: (Diagnosis). المصفوفة دي بتعرفك هل إنت في خانة "Buyer Dominance" ، ولا في خانة "Supplier Dominance" (لازم تلتزم وتطوّر العلاقة لتأمين التوريد). ** مورد بنشتريله مادة خام حطيناه "Strategic" في Kraljic من أول يوم. بس لما طبقنا Power Matrix اكتشفنا إحنا فعليًا في خانة Supplier Dominance - مفيش بديل حقيقي في السوق، وأي ضغط على السعر كان بيرجع علينا بتأخير في التوريد. غيرنا التكتيك بالكامل: من "تفاوض على السعر" لـ "استثمار في العلاقة" (عقود أطول، التزام بكميات ثابتة، مشاركته في الـ forecast بدري). النتيجة: استقرار في التوريد كان أهم بكتير من أي خصم كنا هنكسبه. ده بالظبط الفرق بين إنك تقف عند Kraljic وإنك تكمل للمرحلة الجاية. **المرحلة الثالثة: (SRM) - "إزاي نكبر سوا؟" هنا الشغل الحقيقي. بعد ما عرفت الصنف (Kraljic) وعرفت موقفك القوي (Power Matrix)، بييجي الـ Supplier Relationship Management (SRM) عشان يحول المعطيات دي لـ "نتائج". الهدف: (Value Creation). ال SRM مش مجرد اجتماعات دورية؛ هو النظام اللي بيخلي المورد "شريك" في خفض تكاليفك (Cost Control)، وفي تطوير عملياتك، وفي الابتكار. هو الجسر اللي بيحول الـ "Transaction" لـ "Relationship". ال (Kraljic ) بيحدد "فين" (Where) → ال (Power Matrix) بيحدد "إزاي" (How) → ال (SRM) بيحدد "إلى أين" (Where to go next) . #SupplyChain #Procurement #KraljicMatrix #PowerDynamics #SRM #CostControl #StrategicSourcing