Post by Mahmoud Abdallah

مؤخراً، بقيت بلاحظ إن مسمى "Data Analyst" أو محلل البيانات تحول من مجرد وظيفة حيوية ومطلوبة، لـ "تريند" أو موضة كل الناس بتجري وراها بدون وعي حقيقي بمتطلبات المجال. لما بينفتح باب التقديم (Hiring) للـ Position ده، الأرقام بتبان مرعبة؛ ممكن يقدم أكتر من 300 شخص في أيام قليلة. لكن الصدمة الحقيقية بتيجي وقت الـ Filtration Process. بعد تصفية السيير الذاتية والمقابلات، لو صفينا الـ 300 دول، ممكن نطلع بـ 10 أشخاص بالكتير "مقبولين" أو مناسبين كبداية، ومش هقول إنهم عباقرة أو "شطار جداً"، لأ.. مجرد شخص فاهم الأساسيات. لو حسبنا النسبة دي:10/300 = 3.3% نسبة مرعبة بتوضح فجوة ضخمة جداً! للأسف، جزء كبير من الجيل الجديد بيكتفي بـ "قشور" العلم؛ ياخد كورس سريع أو يشوف فيديو على اليوتيوب، ويغير الـ Title على لينكدان لـ Data Analyst، ويبدأ "يهبد" في المقابلات أو الشغل الفعلي بدون أساس متين. والمشكلة دي للأسف مش حكر على مجال البيانات بس، دي ظاهرة عامة بقينا بنشوفها في مجالات تانية كتير وبشكل أصعب. نصيحة مخلصة لأي حد حابب يبدأ: المجال مش "موضة" ولا مسمى وظيفي شكله حلو؛ المجال محتاج صبر، دراسة حقيقية، وتطبيق عملي يخليك فعلاً بتضيف قيمة للمكان اللي هتشغتل فيه، مش مجرد رقم في الـ 300 اللي هيتم تصفيتهم. #DataAnalysis #HiringTrends #JobMarket #CareerAdvice #Recruitment