Post by Muhammad AbuElgheit (No.1 Tech Hiring Arm in MENA)

📢📢بكرة السبت 13 يونيو هيبدأ واحد من أقوى الهاكاثونات التقنية على مستوى المنطقة العربية و هيقعد لمدة 15 يوم! مبدأياً للي مش فاهم يعني إيه هاكاثون Hackathon فهي فعالية يجتمع فيها أشخاص مختلفة من مبرمجين ومصممين ورواد أعمال ومتخصصين في مجالات مختلفة (و عادي جداً يكونوا طلبة لسه بتدرس) علشان يشتغلوا علي فكرة -سواء عندهم أو لسه هيفكروا فيها في الفعالية- خلال فترة زمنية محددة (ممكن تبدأ من أول 24 ساعة لحد الوقت النهائي المحدد) بهدف يبتكروا حل لمشكلة معينة أو يطوروا نموذج أولي لمنتج أو خدمة. و تاني بأكد إنها ممكن تنفع للطلبة و مش لازم يكون المشتركين مبرمجين بس، و لكن ممكن يكونوا مصممين أو شغالين في المبيعات أو مجالات تساعد في بناء أي حل. منصة Qabilah | قبيلة هي شبكة إجتماعية عربية للمحترفين مبنية بأيادي مهندسين مصريين شاطرين و شغاله بقالها سنين. ممكن تعتبرها -زي ما بحب أعرفها- واخد الحلو من "ريديت Reddit" على الشغل النضيف من "لينكد إن Linkedin" ... هحطلك لينك التسجيل عليها في التعليقات. منصة قبيلة بقى عاملة الهاكاثون هيبدأ بكرة و هيكون أونلاين مش محتاج تنزل من بيتك و ممكن تسجل فيه و هيكون في فاعليات كتيير مهمة جداً في مجالات مختلفة زي التكنولوجيا و ريادة الأعمال و التوظيف و الأمن السيبراني و غيرهم. و كمان في جوايز مادية لأول 3 فرق هتفوز، ده غير طبعاً فرص التشبيك المختلفة من خلال فعاليات التعارف على الناس في الأنشطة اللي هيعملوها. التسجيل متاح من خلال اللينك (سجلوا في أسرع وقت) اللي في التعليقات و تقدر تحضر المحاضرات بتاعتهم من خلال منصتهم أو من قناة اليوتيوب أو تويتر أو لينكد إن. 🔴إن شاء الله أنا هكون مشارك معاهم بكذا شكل في كذا محطة: ✅الكلمة الإفتتاحية بكرة إن شاء الله. ✅مُحاضرة عن ريادة الأعمال في العصر الحالي و دي هتكلم فيها في مواضيع مهمة جداً سواء عن العقلية أو التطبيقات أو التكنولوجيا المستخدمة. ✅لجنة التحكيم لتحديد ال3 فرق اللي هتفوز. ✅الكلمة الختامية يوم 27 يونيو 2026. دي فرصة مهمة جداً جداً إنك تتعرف على ناس خبرة و تتكلم معاهم، و تتعلم من خلال المحاضرات، و تشتغل مع فريق علي فكرة جديدة، ده غير إنك هتستفيد بوقتك بدل ما يضيع و أنت بتعمل سكرول علي تيك توك 😄 متحمس أشوفكوا:) .. أعملوا شير ساعدوا غيركوا يستفيدوا بالفرصة!!! اللينكات كلها في الكومنت #Hackathon #Tech #Competition #Startup