Post by Leen Alghamdi

لو سألتكم الآن: إيش أفضل حي في جده؟ بتجاوبوني بناءً على إيش؟ على تجارب الناس؟ سمعته؟ أو لأنه “المعروف” إنه الأفضل؟ او لانه الحي الي ساكنين فيه فمنحازين؟ ..🤨 ولو قلت لكم إن عندي معايير مختلفة عن معاييركم؟ يمكن أنا يهمني الأمان، بينما غيري يهمه توفر الخدمات. طيب إذا علمتكم عن المعايير الي تهمني… يبقى السؤال الأهم: من وين بتجيبون المعلومة عشان تفيدوني؟ وإيش مصدرها؟ من هنا بدأت فكرة رفاه. ليش يضطرون الناس اساسا يسألون بعض عن أفضل حي، بينما المفروض يكون فيه مصدر موثوق يجمع البيانات ويعرضها بطريقة واضحة تساعد كل شخص يختار الحي المناسب له بناءً على أولوياته هو، وليس على آراء الآخرين؟ رفاه هي منصة تجمع بيانات الأحياء من الجهات الرسمية المسؤولة، وتحوّلها إلى معلومات سهلة الفهم، بحيث يقدر المستخدم يقارن بين الأحياء و يفلترها وفق المعايير التي تهمه. ولأن تحسين و تطوير الأحياء يبدأ بفهم واقعها، ما اقتصر دور رفاه على المواطنين فقط.. صممنا Dashboard مخصصة للجهات الرسمية، مثل البلديات والجهات المسؤولة، تمكّنهم من إدخال البيانات ومتابعة جميع مؤشرات الأداء لكل حي، واكتشاف نقاط القوة والضعف، مما يساعدهم على اتخاذ قرارات تطويريه مستقبليه صحيحه مبنية على بيانات حقيقية. ولله الحمد، كان رفاه من المشاريع المتأهلة للعرض في معرض مشاريع التخرج في University of Jeddah شكرًا لفريقي العظيم Asma Alghamdi Ebtehal Alzahrani Dana Alqurashi Sultana Zagzoog و كل الشكر والتقدير لمديرة مكتب ادارة البيانات د.Noura Alghamdi على دعمها وتوجيهها ، و شكر خاص ل د. Muna Altherwi مشرفة مشروعنا، على متابعتها المستمرة وملاحظاتها القيّمة التي كان لها أثر كبير في تطوير المشروع. ملاحظة: لون الخزامى في هوية رفاه مو مجرد اختيار جمالي. اخترناه لأنه مستوحى من نبتة الخزامى المعروفة عندنا، واللي ترمز للهدوء والازدهار… وهي نفس الفكرة اللي نطمح نشوفها في أحيائنا. 💜🌱 #مشاريع_التخرج #جامعة_جدة #SmartCities #QualityOfLife #SoftwareEngineering