Post by Layal J.

“بس استعنت بالـ AI ليساعدني بالـ CV… شو المشكلة؟” احفظ هالبوست 💾 لأن هي من اكتر الأشياء يلي عم شوفها تتكرر بالفترة الأخيرة. 🔸 خليني وضح شغلة من البداية… أنا ماني ضد استخدام الـ AI بالملفات المهنية. بالعكس تماما.. الAIصار جزء من طريقة شغل كتير من الناس، وحتى جزء من طريقة البحث والتطوير بشكل عام.. لكن المشكلة مو باستخدامه.. المشكلة لما يصير الـ AI هو يلي عم يكتب الملف كله بدل صاحب الخبرة. 🔸 من أول دقيقة تقريباً، صرت أقدر أعرف إذا الـ CV مكتوب بشكل كبير بواسطة AI. طبعا مو لأن فيه أخطاء إملائية.. ولا لأن التنسيق غريب وكتير جامد.. بل لأن كل الملفات صارت تحكي بنفس الطريقة و نفس الكلمات ونفس العبارات وحتى نفس الأسلوب. ونفس الجمل يلي ممكن تنحط بأي CV بالعالم. 🔸 من أكثر الجمل اللي عم تتكرر مثلاً: ‏“Highly motivated professional…” ‏“Dynamic and detail-oriented…” وغيرها من العبارات يلي ممكن توصف ألف شخص مختلف بنفس الوقت. لكنها ما بتوصف صاحب الملف فعلياً. 🔸 المشكلة التانية انو الـ AI غالباً بحاول يخلي كل شي يبين مثالي.. بينما الملفات المهنية القوية مو بالضرورة تكون مثالية. لا هي لازم تكون حقيقية، وواضحة وتعكس تجربة الشخص نفسها مو تجربة شخص افتراضي اخترعه الذكاء الاصطناعي. 🔸 وأحياناً بيوصلني CV فيه كمية كلمات كبيرة جداً… لكن بعد القراءة ما بقدر أفهم فعلياً شو الشخص عمل، أو شو نقاط قوته، أو حتى شو البوزشن الأقرب اله. لأن المحتوى مليان كلام عام وقليل جداً فيه تفاصيل حقيقية. 🔸 ولهيك برأيي… أفضل استخدام للـ AI اليوم هو انو يساعدك ترتب أفكارك. أما قصتك المهنية، وإنجازاتك، وطريقتك بالتعبير عن خبرتك… ف هالأشياء لسا لازم تطلع منك انت لأن السوق صار مليان ملفات مكتوبة بالـ AI. لكن الملفات يليي بتشبه أصحابها فعلاً… صارت أقل ونادرة. والفكرة انو المشكلة مو بالـ CV فقط، عم شوف نفس الشي عم يتكرر بشكل أوضح حتى على LinkedIn. ورح أحكي عن هالموضوع بالبوست الجاي 🔜 إذا شفت هالبوست مفيد، اعملله Repost 🔁لحتى يوصل لحدا يمكن عم يرتكب نفس الخطأ بدون ما ينتبه. #لينكدان #سي_في #LinkedIn #CV #AI