Post by Kongo Apinti

Kerki ini katibo ten! San a Christendom du nanga den gransuma fu wi. Lespeki brada nanga sisa. Ef' un wani taki den yonkuwan musu gro kon nanga wan kroon tapu den ede, dan' a e de vaarlijk prenspari fu langa a tru sabi. Dat wan taki no meki den gro kon ini den ley tori fu den musungu, ma opo den ay èn fri den tonton fu ala sani di hori na Tamarebere na baka. San ben dangra mi tide, na taki di mi ben sori den pitani wan prenki fu wan witiman nanga langa weri en aksi den, efu den ben sabi suma na a man disi, den ben piki mi taki a witiman disi na Gado. 😨 Den suma taki: 'Jong geleerd is oud gedaan'. Tè un wan fri un YEYE nanga un TONTON fu den keti di wan tai un ete, bikasi den musungu set' en so nanga den bribi strukturu, da un no mu frede fu lusu a witiman bribi di ben hori den gransuma fu wi na ini katibo na YEYE FASI! Di katibo ben kon na wan kaba, a skin ben fri ma a TONTON nanga a YEYE ben fas' ete. Tide dey wan lo' Blaka suma e ankra ini a sem systema disi. A de na wi den wan di kisi na kari fu yepi en kraka a baka fu den bakaten pikin di no de na ay. Solanga wi no sa meki moeyti fu de un tru Blaka srefi en wroko nanga un eygi bribi strukturu dan den musungu sa tan abi makti abra wi. Mentaal en psychologisch den witiboi ben drai un tapu en a sari fu sji, fa a systema disi e wroko go doro fu generatie op generatie. Furu kisi na kari, wan tu nomo sa du na wroko. So langa mi e blo mi sa meki moeyti nomo nomo fu opo mi sten, bikasi a no fu so so un kon dja na grontapu en ala suma abi en nia, so bun purpose. Moro de na pasi e kon... Kongo Apinti✨️🫡✨️ 🔥✊🏿🔥 #Amsterdam #rotterdam #denhaag #almere #utrecht #zeeland #hoorn #groningen ##zoetermeer #leiden #amersfoort #hilversum #haarlem

Video Content