Post by Khaled Amireh

بداية الجامعة بالنسبة إلي كانت غلط. أول فصل دخلته، كنت أحضر المحاضرات وأنام، وما كنت أهتم شو أخدنا، شو علينا واجبات، ولا حتى للكويزات. كنت أضيع علامات بشكل مش طبيعي، وللأمانة كان هذا تقصير بحقي قبل أي حدا. بالفصل الثاني بلشت أوعى وأفهم إنه إذا ضليت مكمل بنفس الطريقة، ما رح أوصل للمكان اللي بدي إياه. في مرة سمعت جملة علقت براسي: **"بالجامعة رح تشوف كل أنواع الناس... الشاطر، والهامل، والصاحب ساحب."** وقتها استوعبت إن أول خطوة لازم أعملها هي أغير البيئة اللي أنا فيها. من بيئة اهتمامها بالدراسة والتطوير شبه معدوم، لبيئة كل شخص فيها بحاول يصير أفضل من مبارح. بيئة تشوف فيها ناس بتنجز مشاريع، بتشارك بمسابقات، بتاخد كورسات، وبتطور من حالها. حتى لو ما حكى معك كلمة، مجرد إنجازه بخليك تتحمس وتشتغل أكثر. أنا هون بحكي عن Zaytoonic Community. Ammar Alharoun , Khadijah Hzayen , Khaled Alzeer , Abd Farhan , Mohammed Hussein , Eng.Reem Hamdan 𓂆 , Nada Alnajjar , Ameen Al-Banna , Abdallah Faheem , Mohammed Zarifeh , Zain Allateef هدول الأشخاص كانوا سبب كبير إني أغير طريقة تفكيري، وأركز على تخصصي، وأهتم بالأشياء اللي فعلًا إلها قيمة بسوق العمل. وكل واحد فيهم ترك عندي أثر بطريقته. Nada Alnajjar كانت من أول الأشخاص اللي ساعدوني أركز على تخصصي. دخلت i Analyze Club التابع لـ ITeamZUJ وأنا طالب، وكانت هي الليدر. شو استفدت؟ بعد ما خلص النادي، صرت Organizer، وتعلمت استخدام أدوات **Power BI**، وكانت هاي أول مرة أدخل فعليًا بعالم **Data Analysis** وأكتشف قديش المجال ممتع وقديش فيه فرص. Eng.Reem Hamdan 𓂆 Leader لـ i Web Club. ريم كانت السبب إني أدخل عالم Web Development. تعلمت معها HTML وCSS، وإن شاء الله مكملين على JavaScript. مع إني تخصصي AI، كنت متوقع ما أقدر أوفق بين i Analyze وi Web، لكن أسلوبها بالشرح كان مرتب وسلس، وكانت دائمًا مستعدة تضل مع أي طالب لحد ما يفهم الفكرة صح. ومن الأشياء اللي ما كنت أتوقعها إني أدخلها كمان، كانت Problem Solving. بصراحة، كنت من الأشخاص اللي ما كانوا يحبوا الـ Problem Solving، وما كنت أشوف حالي فيه. لكن البيئة اللي صرت فيها شجعتني أجرب بدل ما أحكم على حالي من البداية. شاركت لأول مرة بمسابقة ZCC على مستوى الكلية مع التيم: Khaled Alzeer , Hussein Zahran والحمد لله، قدرنا نحقق المركز الخامس. ويمكن بالنسبة للبعض يكون رقم عادي، لكن بالنسبة إلي، كأول تجربة بمجال الـ Problem Solving، كان إنجاز عطاني ثقة أكبر أجرب أي فرصة جديدة بدون تردد. Zain Allateef وبالنسبة إلي... هو أهم شخص. هو مش Leader لأي Club، لكنه Leader لصحبتنا. وقف معي قبل الجامعة، وببداية الجامعة، ولسا لليوم. ببداية الفصل كنت شايل هم مشروع التخرج، ومع مين بدي أشتغل. لكن فاجأني لما طلبني أنا وحسين نشتغل سوا، مع إني كنت أشوف نفسي الأقل خبرة بينهم. ومن وقتها اتفقنا ووعدنا بعض إن الفترة الجاية رح تكون مختلفة. خالد الفترة الجاية رح يبلش يشتغل على مشاريع حقيقية، ويخوض تجارب جديدة. أكيد رح يكون فيها ضغط، وأكيد رح تكون صعبة، لكن مؤمن إن كل ساعة بتستثمرها بتطوير نفسك، رح ترجعلك بأضعافها. وبهيك... ختمنا السنة الثالثة. والسنة الرابعة بالنسبة إلي مش مجرد سنة أخيرة... هي بداية المرحلة اللي بدي أشوف فيها كل اللي تعلمته يتحول لإنجازات على أرض الواقع. شكرًا لكل شخص كان سبب، ولو بجزء بسيط، إني أكون النسخة اللي أنا عليها اليوم.