Post by Kareem Baiomyy

مش كل سنة بتعد بـ 365 يوم... في سنين بتعد بـ 365 درس، فشل، وتجربة! من سنة بدأت أول تجربة ليا كـ Social Media Team Leader في Zikola Agency. دخلت وأنا متحمس، لكن بصراحة كنت قلقان. مش من حجم الشغل.. كنت قلقان من المسؤولية. هل هعرف أبني فريق؟ هل هعرف أوصل اللي عندي؟ هل هعرف أوازن بين الإدارة والفريق؟ وقتها استلمت فريق من 4 أفراد، لكن التحدي الحقيقي مكانش العدد.. كان إن السوشيال ميديا كانت محتاجة تتبني من أول وجديد! مكانش فيه Structure واضح، ولا Process ثابت، وكان أقصى طموح وقتها إن الخدمة تحقق أول تجديدة. بدأنا نبني الـ Process... مش ندور على حلول سريعة. أكتر من 20 Session اتشرحت، وعشرات الـ Feedbacks منها الايجابي ومنها السلبي، وتجارب كتير غيّرت طريقة تفكيري قبل ما تغيّر طريقة الشغل نفسه. وبعد سنة... الفريق بقى 8 أفراد. 4 زملاء أخدوا ترقيات مستحقة. وخدمة السوشيال ميديا حققت نمو في معدلات التجديد بأكتر من +7000% مقارنة ببداية الرحلة! لكن لو سألتني إيه أكتر حاجة أنا فخور بيها؟ مش الأرقام خالص! أكتر حاجة فخور بيها إن الفريق بقى فاهم *ليه* بنعمل الحاجة... قبل *إزاي* نعملها. والسنة دي علمتني 3 حاجات عمري ما هنساهُم: 1. مش كل شخص بيتدار بنفس الطريقة. 2. الـ Feedback بيبني أكتر من المدح. 3. ولو وثقت في الـ Process وفضلت تطورها... النتائج هتيجي، حتى في الأيام اللي ثقتك بنفسك فيها تهتز. شكرًا بجد لكل شخص كان جزء من الرحلة دي. شكر خاص للمهندس Muhamed Abdullah، على دعمه المستمر وثقته، ووجوده الدائم وقت أي تحدي. وللمهندس Seif Osama ، اللي من أول يوم آمن بيا، وكانت ثقته ودعمه من أكبر الأسباب اللي خلتني أكمل وأتطور. وللمهندس رامي علي، على دعمه المستمر من وقت ما بقى مديري المباشر، وعلى كل التوجيهات اللي ساعدتني أشوف الأمور من منظور مختلف وأتطور كقائد قبل ما أتطور كمدير. في الآخر... اكتشفت حاجة مهمة جدًا وهي إن القيادة مش إنك تبني فريق يشتغل معاك.. القيادة إنك تبني فريق يقدر ينجح حتى من غيرك! وده الهدف اللي لسه بشتغل عليه كل يوم. #Leadership #TeamLeadership #SocialMedia #DigitalMarketing #TeamBuilding #GrowthMindset #Zikola