Post by Kamal Ahmed

حابب أشارككم جانب خاص عن مدى حبي لعالم الألعاب و قد إيه شركة زي Rockstar أخرجت لينا لعبة عظيمة زي Red Dead Redemption 2 ❤️ ✨ الموضوع بدأ معايا لما جربت يجي تقريباً فوق ال 50 لعبة وكان كل واحدة منهم بحاول ألاقي منها التجربة الكاملة اللي تشبع رغبة أي جيمر في عالم الألعاب, لحد ما واحد صديقي عزيز عليا حكتله الموقف و قاللي: حمل اللعبة دي و هتستمتع بعظمتها 🤍 قولت ماشي, وحملتها و كنت متحسر بال 120 جيجا مساحة اللي اللعبة كانت واخداها وقلت نستحمل و نكمل.. لحد ما بدأت القصة و عالم ال Cowboys و أمريكا الغربية من العصور القديمة شوية و قد إيه الحقبة الزمنية دي كانت مليانة برغبات القبائل و العائلات و الجماعات و الدول الناشئة بإن كل واحد منهم بيفرض سياسته و مبادئه و قوانينه و كله على حساب الأضعف و كان البقاء دايماً للأقوى و من زمان أمريكا اللي بيحركها الفلوس والنفوذ ( و ده طابع قديم عندهم ) .. و قد إيه الشخصيات الرئيسية لعصابة ( Dutch Van der linde ) كل واحد فيهم ليه دماغه و مذهبه و منظوره و صراعاته الداخلية مع صراعات العالم الخارجي اللي عايشين فيه وسط حروب تحت المسمى " السعي وراء الأموال و السيطرة و فرض الهيمنة " و قد إيه اللعبة بتوريك أبعاد كل شخصية فيهم بالحلو و الوحش, الصادق و الكاذب, البرئ و المذنب, القوي و الضعيف, الولي و الخاين و إلخ ... لعبة حقيقي تحفة بكل المقاييس ✨ مع إنها من 2018 بس لعبة ( بالنسبة لي ) تاخد أحسن لعبة ل 100 سنة قدام لحد ما نشوف شركة تنافس روكستار في كل جوانب الإنتاج في اللعبة دي 🤍 المشكلة.. إن من كتر " كمال " اللعبة دي الزائد عن اللزوم, أو بمعنى أصح نقول " الإتقان " .. مش شايف فيها غلطة فعلاً, حتى تصميم اللعبة و العالم و البيئة و تفاعل الشخصيات و الجرافيكس و لغة الحوار بين الشخصيات و العالم المفتوح اللي على قد ما هو كبير و متشعب جداً, ألا إن Rockstar مأهملتش فيه أي تفصيلة إطلاقاً.. ده حتى ال Physics للعبة و طريقة هرولة و جري و تفاعل الأحصنة مع البيئة واقعية لأبعد الحدود مروراً بكل أنواع الحيوانات المختلفة و الطيور و الغابات و الأماكن السرية و الكهوف والجبال و الطبيعة الجليدية اللي تلاقيها مدمجة مع الغابات المطيرة زي بالظبط ما بنشوف في أماكن كتير في عالمنا الحقيقي إللي إحنا عايشينه دلوقتي !! بجد: إتقان ما بعده إتقان ✨ 🔹 نصيحة لأي حد : Art Director Graphic Designer Photographer Videographer Cinematographer Video Editor Sound over Artist Scriptwriter و أي Role في المهن الإبداعية دي, يشوف اللعبة و حسب مهنتك إيه بالظبط خد اللي يفيدك بس, صدقني هتستفيد أياً كانت مهنتك 🤍 ممكن الفترة الجاية أنزل محتوى عن اللعبة دي و قد إيه انا ك Video editor أو حتى ك شخص في حياتي الطبيعية إستفدت منها في إنها ضافتلي جديد وعلى قد ما هي لعبة بس اللي إشتغلوا على اللعبة دول بشر و حطوا أفكارهم و أيدولوجياتهم في اللعبة عشان تكون متميزة بالطابع الخاص بيهم, كان نفسي إحنا ك عرب نعمل عمل فني بنفس الإتقان ده عن حياة العرب زمان و السيرة النبوية و الغزوات و الفتوحات و يكون لينا هويتنا برضو .. هي فيه لعبة Assassin's creed mirage بس مش نفس الإتقان ولا التفاصيل زي ما Rockstar عاملة أتمنى مكونش طولت عليكم و شاركوني رأيكم في التعليقات لكل حد جرب اللعبة موافقني على نفس الكلام ولا لأ ولا تقدر تضيف جديد ؟ شكراً ليكم 🤍