Post by Alaeddine Kamel Jebali
Data Analyst and Web Developer | Career pivot into IT or Digital Media | Blending technical depth with strong communication skills to deliver results in fast-moving teams
عسلامة و مرحبا بيكم, أول شي نعرف بروحي: أنا علاء الجبالي و عمري 26 عام, أنا Backend Web developer و Sysadmin و حاليا نخدم في شركة بالقطاع الخاص. في فترة ما من حياتي بين 2016 و 2020 أسست واحد من أنجح المواقع اللي تخدم على مجال ألعاب الفيديو و التكنولوجيا الإستهلاكية و هو مجلة TGTV الإلكترونية. حققنا خلال سنة 2018 عدد زيارات تجاوز إذاعة CAP FM أشهر اذاعة في ولاية نابل و إذاعة Oxygène FM أكبرر اذاعة في بنزرت و زوز من أشهر المواقع المنافسة لينا في المجال. كتبت أكثر من 700 مقال و تدوينة في الموقع بما في ذلك مراجعات المنتجات و تغطية أبرز التظاهرات في المجال بخلاف حضوري كمتحدث في بعض التظاهرات المحلية. بخلاف كتابة المحتوى كنت المشرف التقني على المجلة و خدمت لسنوات باش الموقع يكون في أحسن حالة ممكنة و يكون متاح للمتستخدمين في كل وقت مهما كان عدد الزيارات و حتى في ظروف قاهرة, كيف حريقة في Datacenter كامل في Strasbourg و نتفكر مليح الغصرة اللي صارت وقتها, لكن في غضون سويعات تمكنت رغم كل الظروف من استعادة الموقع كاملا على خاطر كنت حاسب حساب لحظة كيف هكا. مانيش جاي باش نحكي على روحي, خاطر اللي عملتو ما يجي حتى شي قدام اللي عملوه ناس أكبر مني خبرة و تجربة, لكن اللي حبيت نقولو اذا عندك اهتمام بمجال التحرير و الكتابة و تحب تبدى أما مش عارف منين أو إذا عندك سؤال تقني بخصوص موقعك أو مدونتك الحالية و تحب فكرتك الجاية توصل للعالم الكل مرحبا بكل أسألتكم, نجم نعاون بكل الحاجات اللي تعلمتها آخر 6 سنين من حياتي 😊 Ahmed Ben Hamouda, PMP®, SAFe®, SMC™, SPOC™, ITIL® Youssef Trabelsi
