Post by Ibrahim Al Sonbaty
Junior Accountant | Student at FCES Al-azhar University | Junior Graphic Designer | Junior Video Editing Your problem is your thinking. If you want to change your life, You must control your mentality & way of thinking.
الصورتين دول بينهم أسبوعين، بس حرفيًا الأسبوعين دول كانوا كافيين يخلوا الواحد يا يكمل في إنه يطور نفسه، يا يسيب كل حاجة ويستسلم. الصورة اللي على الشمال كانت يوم 28/6/2026 في إسكندرية. أي حد هيقول إبراهيم في اسكندرية يعنى بيتفسح، والدنيا معاه زي الفل. بس الحقيقة غير كده خالص، الصورة دي جات في وقت ربنا كان بيطبطب عليا فيه، لأن وقتها كنت مستنزف من كل ناحية. نفسيًا، ذهنيًا، وجسديًا، كنت حرفيًا جبت آخري. أما الصورة اللي على اليمين، فكانت يوم 12/7/2026 في القاهرة. فرق أسبوعين بس، والاتنين كنت بضحك فيهم. بس في تفاصيل كتير أوي محدش كان شايفها، في حاجات كتير كانت بتحصل جوايا محدش يعرفها. كنت مكمل، بس مكمل وأنا مش عارف رايح فين. مكمل وأنا مستنزف. مكمل وأنا مخنوق. مكمل وأنا مضايق. ورغم إنك بتضحك في وش كل الناس، إلا إن بينك وبين نفسك، أنت فاهم كويس أوي إيه اللي بيحصل. فاهم إنك تعبان، وفاهم إنك محتاج تقف شوية. بس الغريب بقى، إن في نفس الفترة دي، وأنا حاسس بكل ده، كنت لسه بتعلم. في الصورة الأولى كنت بتعلم التصوير، وكنت مع مساعد تصوير مع صديقي واخويا الكبير اللي بتعلم منو Mohamed Mamdouh وبعدها بأسبوعين بس، بقيت أنا اللي واقف ورا الكاميرا وبصور بردوا بتوجيه بشمهندس Mohamed Mamdouh وكان شرف ليا اني اكون ورا الكاميرا بصور اكتر الشخصيات تأثيرا في حاجات كتير في حياتي دكتور Dr. Ahmed El-Sakhawy Ph.D, CMA وخلال نفس الفترة دي، خدت دورات، واتعلمت حاجات كتير، ولسه ما شاركتهاش على LinkedIn. وده علمني درس عمري ما هنساه، إن مش شرط تبقى في أفضل حالتك علشان تتطور. أوقات كتير أكبر تطور بيحصل وإنت حاسس إنك في أسوأ فترة في حياتك. وأهم حاجة اتعلمتها : "ارحم نفسك" متحملهاش فوق طاقتها. لأنها بالفعل بتكون شايلة كتير. وفي الوقت ده، حاول تقرب من ربنا على قد ما تقدر. ولو حسيت إنك مش قادر لوحدك، دور على صحبة تعينك وتشدك لفوق. لأن الفترة دي فعلًا، يا هتطلع بيك لفوق، يا هتنزلك لتحت. وأنا الحمد لله اخترت إني أكمل، حتى لو كنت مش شايف النتيجة وقتها. والحمد لله، بدأت أشوف ثمار الأسبوعين دول دلوقتي. وخلال الفترة الجاية ان شاء الله هشارك معاكم الرحلة دي، والمهارات اللي اتعلمتها، والدورات اللي أخدتها، والدروس اللي فرقت معايا فعلًا، ويمكن تكون سبب في إنها تفرق مع حد تاني. فلو مريت بالفترة دي قبل كده، شاركني إيه أكتر حاجة ساعدتك تخرج منها؟ #ibrahimalsonbaty #رحلة_سعي #photography #Accountants
