Post by Ibrahim Sweidan

صدفة بسيطة عند باب السوبرماركت، خلتني أسمع واحدة من أكثر القصص حماساً بالنسبة إلي بالفترة الأخيرة. التقيت بأحمد Ahmad Alkayid ، طالب سنة رابعة في جامعة PSUT. سلمنا ودردشنا شوي حرفيا كان صرلي فترة طويلة مش شايفه ، بس الخبر اللي سمعته منه ما كان عادي. أحمد عمل Exit لمشروعه No Nerds … وهو لسا ما تخرج! أحمد اشتغل على فكرته 3 سنين متواصلة. تعب، التزام، وشغل يومي لحد ما وصل فيها لمرحلة الاستحواذ. بس الصراحة؟ اللي لفت انتباهي مش رقم الـ Exit… اللي لفتني هو الطريق والعقلية (Mindset). أحمد ما تعامل مع مشروعه كـ “متطلب جامعة”، اتعامل معه ككيان حقيقي من اليوم الأول. أنا بعرفه من أيام TEDxPSUT؛ كان دائماً هادي… بس بوصلته واضحة، وعارف تماماً شو بده يبني. وبالنسبة إلي، هون بيكون الفرق الحقيقي. هاي القصة أكدتلي على اشي النجاح ما بيجي من الفكرة بحد ذاتها… بيجي من الاستمرارية، والتنفيذ، والشغل عليها لحد ما تصير واقع ملموس. أحمد، فخور جداً فيك وبطريقة تفكيرك 👏🏼Ahmad Alkayid ومتحمس لقعدتنا الجاية عشان أسمع القصة كاملة منك بكل تفاصيلها.