Post by Hydraulics M

يعني ايه Telescopic Cylinder؟ ال Telescopic Cylinder هي نوع من السلندرات اللي بتتكون من أكتر من stage يعني عدد من المراحل واللي بتكون متداخلة جوا بعض وده بيخليها تقدر تدي مشوار طويل جدا في المساحات الصغيرة المتاحة طب ازاي بتشتغل؟ في حالة الـ Extension أو فرد السلندر أول مرحلة اللي هي السلندر الكبيرة يعني أكبر قطر بتطلع الأول علشان مساحة Piston الكبيرة بتحتاج ضغط أقل علشان تتحرك وبعد ما المرحلة الأولى دي توصل لآخر مشوارها الضغط يرتفع وتبدأ اللي المرحلة اللي بعدها اللي هي أقل في المساحة إنها تطلع بالنسبة للسرعة المرحلة الأولى بتكون أبطأ علشان المساحة بتكون كبيرة فـال Flow يتوزع على مساحة أكبر وبالتالي سرعة أقل وبعدها المرحلة اللي أقل منها في المساحة سرعتها تزيد شوية علشان المساحة بتقل يعني الحركة بتبدأ بطيئة ومع الوقت تبقى أسرع في حالة الـ Retraction أو لم السلندر عكس اللي فات أصغر سلندر يعني آخر مرحلة بتفرد هي اللي بتلم الأول علشان الزيت بيروح للـ Annular Area اللي عند الRod واللي حجمها صغير فيدي ضغط كافي يحرك المرحلة الصغيرة الأول وبعدها المرحلة الأكبر فالأكبر بالنسبة للسرعة المرحلة الصغيرة اللي مساحتها صغيرة بترجع أسرع لإن مساحة الزيت قليلة والمرحلة اللي بعدها الأكبر بترجع وتكون أبطأ يعني الحركة بتبدأ سريعة ومع الوقت تبقى أبطأ بنستخدمها فين؟ معدات النقل والـ Dump Trucks و المعدات اللي محتاجة مشوار رفع طويل زي ال Hydraulic Cranes أو الأوناش يعني ال Telescopic Cylinder دي حل عملي لما يكون عندك مساحة صغيرة ومطلوب مشوار كبير وبالتالي بتوفر أبعاد مقارنة بسلندر عادي بنفس المشوار لكن كمان هي تصميمها معقد ومكلف أكتر مقارنة بالسلندر العادية وبتحتاج صيانة أكتر علشان مجموعة المراحل المتداخلة دي ومش هتستحمل قوة للـ side load زي السلندر العادية وكمان سرعة الفتح مش ثابتة لإن كل مرحلة بتفتح على حسب حجم الزيت وضغطه فيديو سميوليشن المرفق بيوضح عملية ال Extension و Retraction للسلندر دي 👇🏻 في كورس الأنظمة الهيدروليكية بنوضحلك بشكل تفصيلي الأنواع المختلفة السلندرات والظواهر اللي بتحصلها وازاي اتغلب عليها والدوائر المختلفة لكل تطبيق معين من خلال animated circuits وكمان باقي مكونات النظام الهيدروليكي مع Case Studies حقيقة على أرض الواقع فلو عايز تبدأ صح في مجال الهيدروليك ابعتلنا رسالة وجروب الواتساب عليه كل التفاصيل 👇🏻 https://lnkd.in/d6rwXybc

Video Content