Post by Heba Esmail

كنت بشوف شغل صناع المحتوى وأقول: الله! الناس دي بتعمل كده إزاي؟"🤔 ​لو حد قال لي من 3 سنوات بس، إني هكون في المكان اللي أنا فيه النهاردة، كنت هقول عليه "بيحلم"! ​بدأت من نقطة الصفر حرفيًا.. ما كنتش أعرف أي حاجة عن أسس الكتابة، ولا عن أدوات الذكاء الاصطناعي (AI)، ولا إزاي النص ممكن يتحول لفكرة تلمس القلوب وتغير العقول. كان كل اللي عندي هو الشغف والفضول. ​لكن نقطة التحول الحقيقية بدأت لما خطيت أول خطوة في تعلم كتابة المحتوى على يد الدكتور الفاضل Ramzy Abdelaziz وبمتابعة ودعم وتوجيه من المبدعة دايمًا Merna A - Gaber.❤️ معاهم، ما اتعلمتش بس كتابة.. أنا اكتشفت نفسي! اكتشفت إن جوايا إمكانيات مكنتش أعرف وجودها، وعرفت إن القلم اللي بين إيديا يقدر يكتب كلام "يلمس الناس" ويخليهم يحسوا إن كل كلمة بتعبر عنهم هما بالذات. ​رحلة الـ 3 سنوات دي غيرت كل حاجة، والنهاردة، بفضل الله وتوفيقه، وصلت لمكانة مكنتش أحلم بيها..أنا Senior Script Writer. ​الأستاذ الخبير خالد الأحمد اختصر أسلوبي في كلمة أعتز بيها جدًا لما رد على تعليقي : "كلامك بسيط، لكنه عميق في معناه، ويصل إلى المشكلة مباشرة". ودا بالظبط اللي بحاول أقدمه في كل نص؛ البساطة الممتنعة والعمق الإبداعي اللي يخلي القصة الواحدة تحتمل أكثر من معنى، وتتحول لعمل فني ملهم. ​والسر ورا التركيبة دي مش سحر، هو مجرد التزام بثلاث حاجات 🔹️ ​البحث العميق حتى لو كان المجال بعيدًا عن تخصصي، ما برتاحش إلا لما أوصل لجذور الفكرة (بشهادة عملائي اللي دايمًا بيبهرهم عمق البحث ونتيجته). 🔹️ ​الشغف الصادق لما بكتب عن حاجة بحبها، الشغف بيتنقل للجمهور فورًا، والأرقام هي اللي بتتكلم! 🔹️ ​لغة الأرقام والتأثير بفضل الله، الاسكريبتات اللي بكتبها بتتخطى الـ 35 ألف مشاهدة في 3 أيام بس، والـ Impressions على لينكدإن بيتجاوز الآلاف، وفي أحد البوستات تخطى الـ 8 آلاف Impressions. ​طموحي مش مجرد كتابة محتوى ناجح، طموحي بعون الله وتوفيقه هو الوصول للقمة والاستمرار فيها، وتقديم محتوى يترك أثر حقيقي ويدوم.♥️ ​بخطط حاليًا لمشاريع وسيناريوهات أقوى بكتير، ومتحمسة جدًا للي جاي! ​شغفك هو اللي بيحرك قلمك؟ وإيه هي نقطة التحول اللي غيرت مسارك المهني تمامًا؟ شاركوني قصصكم في التعليقات، وخلونا نتواصل! 👇 ​#صناعة_المحتوى #كتابة_المحتوى #قصة_نجاح #ScriptWriting #Storytelling