Post by Heba Bassiouni

الراجل ده إسمه simon sinek صاحب كتب عن القيادة وازاي تكون قائد ناجح و ال Tedtalk بتاعته تاني أكتر مشاهدة في التاريخ .. في واحدة من إحدي كلماته اتكلم عن إزاي تعيش حياة كويسة وقال الٱتي: خمس حاجات ممكن يساعدوك في حياتك : ◾أول حاجة امشي ورا الي انت عاوزه وفي نفس الوقت سيب الناس تمشي ورا الي هما عاوزينه ، ولما تحط في اعتبارك كده ، هتبقي مش محتاج تعمل الحاجة بنفس الطريقة الي الناس عملتها بيها قبل كده وتقدر تكسر القواعد والطرق الي الناس مشيت عليها قبل كده وتعملها بطريقتك. ◾تاني حاجة حط في اعتبارك ان اوقات كتير بتبقي انت المشكلة ، بتبقي انت سبب الي بيحصلك من اخفاق وفشل. بلاش تلوم كل حاجة حواليك وتنسي انك مسؤول عن افعالك والنتائج الي وصلتلها هي نتاج أفعالك وقراراتك ( فبلاش تعيش دور الضحية) . وخليك عارف انك بتعمل حاجات كويسة وحاجات لا . فتحمل مسئولية في الحالتين عشان لو حصل حاجة تبقي عارف المشكلة فين وتحلها. ◾تالت حاجة ساعد غيرك ، لما سألوا حد في البحرية الامريكية ( الأقوي في العالم ) عن مين الي بيتقبل فيها قال: كل الأقوياء وأبطال العاب القوي ماتقبلوش لانهم كانوا بيشتغلوا لوحدهم مابيساعدوش حد ولا يطلبوا من حد يساعدهم فمقدروش يكملوا . وكل الي اتقبلوا كانوا ضعفاء بس برغم احساسهم بالألم والتعب وانهم مش قادرين يكملوا كانوا بيحاولوا يمسكوا نفسهم ويستجمعوا قواهم عشان يساعدوا الي جنبهم . دول كملوا للنهاية .. مش لازم عشان انت الأذكي او الأقوي او الأسرع هتوصل . لازم تساعد الناس والناس تساعدك عشان توصل . ◾رابع حاجة اتعلم تكون اخر واحد يتكلم، خلي رأيك جواك لحد ما تسمع كل الناس بتقول ايه وهنا هتحسس اللي قدامك انه اتسمع واتفهم فهيحس بالثقة والامان وكمان هتعرف كل الاراء وتستفيد منها . ◾خامس حاجة، غالبا ناس كتير هتعاملك علي اساس مكانتك ومنصبك ومش كتير هيعاملك كأنت مجرد من الي وصلتله. فتذكر كل ما تبقي مشهور أو في منصب احسن الناس هتعاملك افضل . بس كل المعاملة دي موجهة لمنصبك وشهرتك مش ليك ومن غيرهم ماحدش هيعبرك. بس لازم تعرف إن انت تستاهل المعاملة الكويسة دي من غير المناصب والشهرة ، انت تستاهلها عشان انت تستاهلها..