Post by Heba Abdelmegeed
Postdoctoral Fellow at Chapman University, California, USA. PhD in immunology, Faculty of Medicine, TUD, Germany. Master’s in Pharmaceutical Sciences, Faculty of Pharmaceutical Sciences, Hokkaido University, Japan.
زي النهاردة بالظبط من ٦ سنوات .. بفضل الله وكرمه ناقشت الدكتوراة في كلية الطب جامعة دريسدن ٧/٧ سنة ٢٠٢٠ وعلى الطريقة الألمانية القديمة والحديثة .. الطريقة دي من صعوبتها في جامعات كتير بدأت تنهيها .. لكن الPromotionsordnung الخاص بجامعة دريسدن قال نشتغل بالطريقتين مع بعض مش طريقة واحدة بس 😅: - الطريقة الاولى والتقليدية (Rigorosum) ودي انك بتقعد ساعة كاملة في مكتب مع لجنة تسألك في أي حاجة ليها علاقة بمجالين، مجال الدكتوراة بتاعك ومجال تاني انت تختاره وبيقولولك ذاكر كل المعلومات اللي ليها علاقة بالموضوعين دول. أنا الموضوعين بتوعي كانوا: علوم المناعة و علوم الخلايا الجذعية - الطريقة الثانية والحديثة المعروفة (Disputation): ودي انك تطلع تناقش الرسالة في برزينتيشن واللجنة مع اي حد حاضر يسألك .. وطبعاً لو في حد بيكره مشرفك اكيد بيحب يوجب مع الطالب بتاعه. فطبعاً خرجت من ده على ده وانا مش عارفة ايه اللي بيحصل فيا 😊 ده بالإضافة إلى أن برنامج الدكتوراة اللي كنت فيه كان مخصص لطلبة بروتوكول تعاون بين معهد ماكس بلانك وبين الجامعة.. ونظرا لأن اختياري وبرنامج الدكتوراة تم في ماكس بلانك، فبالتالي كان لازم أكون محققة قواعد ماكس بلانك كل سنة، وهي إننا كل سنة لازم أعمل مناقشة كأنها مناقشة الدكتوراة ومن سنة أولى دكتوراة .. وليهم في أي سنة لو معجبهمش الدفاع بتاعي إنهم يعيدوا المناقشة بعدها بثلاث شهور ولو ما عجبتهم خالص يقدروا يمشوني خارج برنامج الدكتوراة (اترفد يعني لأني مش على مستوى عالي مستمر طول السنين بصورة تليق بمعهد ماكس بلانك) .. وده حصل مع صديقة ليا بالفعل وكان شيء محبط للغاية بعد ما ضيعت سنتين من عمرها على الفاضي. أنا عايزة اسجل اللحظة دي وأعرفكم كلكم إن الحدوتة مش منح وبس ومعاناة علشان تسافر .. المعاناة الحقيقية والاجتهاد اللي بجد بيظهر بعد السفر .. وانك تفضل مكمل طريقك وناجح لدرجة انهم هم اللي يبقوا رافضين رجوعك بلدك .. وكمان يدخلوك في حملة إعلامية علشان يقنعوا سكان المدينة اللي انت عايش فيها ان مهارتك وتميزك هيسبب ليهم هم النجاح .. وانت بقى اللي هتختار ساعتها تقولهم آه ولا لأ 😊 If you want to have a look 😊 The link to the German media campaign in Dresden named (Mein Talent ist dein Erfolg): https://lnkd.in/gg3zFWFm
