Post by Hassanein Mizban

يابة أنت ليش ضد الـ Creator Economy؟ عمي والله مو ضدة، بس أني أكول لا تشارك مشهور او صانع محتوى إذا مو مهامه بالشراكة هو صناعة المحتوى. اذا تلاحظ الأجانب وخصوصاً الناجحين مثل Logan Paul و KSI ببراند PRIME؛ ذولة ما كعدوا يحسبون تكاليف الشحن بالمخازن ولا دوخوا راسهم باللوجستيات والموزعين. أكو شركة ضخمة وراهم هي الشريك الخفي الOperatorاللي يدير السيستم، وهمَّ شغلهم ومهمتهم الوحيدة: يصنعون محتوى ويروجون. لهذا السبب البراند عبر المليار دولار! بينما تعال شوف المشهور العراقي وصانع المحتوى تخابره على تعاون، يكلك أني إيجنسي وعندي فريق يابة أني أريدك إلك، تشاركه.. يعوف صناعة المحتوى ويدخل بالـ Operations! ياعمي مو شغلك هذا، أنت مبدع بصناعة الجمهور، خلي غيرك يسوي شغله الإداري. أني دائماً يكلولي أنت ضد الـ Creator Economy.. لا والله، أني مستمر بعملي وتعاوناتي ويه المشاهير، بس كل مشهور تتعاون وياه ببراندين، يريد يصير شركة! مترهم يابة.. ببساطة، لأن صناعة المحتوى وقت وفن، وإذا المشهور عاف لُعبته الأساسية ودخل بمتاهات الإدارة، لا هو راح يفضالك للمحتوى فـ يخسر جمهوره، ولا أنت راح تطلع بنتيجة وراح تخسر فلوسك وهل دتشوفون اغلب المشاهير العراقيين تفشل براندتهم يابه انت تفتهم بس بصناعة المحتوى لو تفتهم بغير شي ماكعدت تصنع ٤٠٠ فديو حتى صرت مشهور جان صرت محاسبة بشركة الاخوين المهم نختم نكول الموضوع ما يمشي على الكل بس يمشي على الاغلبية