Post by Hanneke Drohm

Wat eine supersjieke daag haw ich vandaag! Op (bao) alle sjole inne Gemeente Roerdalen is vandaag veurgelaeze oet Veer sjnappe Um! Det is 't kinjerbook det Marco Jeurissen en ich höbbe gemaak róndj 't OLS in Melick. In vol ornaat loze sjötters, ein marketentster en zelfs eine keizer veur aan de kinjer vanne groepe 3 en 4. Zie genaote en dus veer ouch. De burgemeister woor d'rbie, de wethawter, miss OLS Laurie vanne geminde en eine hele houp pers. Asjemenou! Kiek inne reacties veur linkjes nao ein sjiek item van L1 en De Limburger. Es g'r noe dink: ich wil mich det book ouch sjnappe... Gank nao de webwinkel van Marco Jeurissen, nao Boekhuis De Kleine Tovenaar in Neel of nao Landjwinkel Schurenhof in Vlorp. Of kom op 20 juni langs oppe toer dae Marco en ich make langs alle dörper in Roerdalen. Dao kint g'r zelfs ein (handj)teikening in uch book laote zètte. Ich gaon nag efkes naogeniete en oetpuffe van dae lange, sjieke daag. Morge nag veurlaeze mit Sint Sebastianus in Hirkebósj. Zin in! Greutsj! Dit berich is in 't plat. Jeh jao! Ich doon al eeuwig ane Limburgse revolutie, manne...! 📸 Ruud Snijders en ichzelf