Post by Haneen Abu shaweesh

متأخرة كثير بهالبوست، لكن كان لازم أشارك تجربة كانت من أجمل وأثرى التجارب في مسيرتي الجامعية والتطوعية. بشهر 10/2025 قررت أنضم لفريق تيربو، الفريق اللي أؤمن إنه أي طالب هندسة صناعية لازم يمر فيه ويترك بصمته الخاصة. والحمد لله كانت من أفضل القرارات اللي أخذتها. اخترت أكون ضمن اللجنة الأكاديمية، ويمكن وقتها ما كان عندي أي فكرة عن طبيعة الشغل أو كيف بتمشي الأمور داخل اللجنة، لكن دخلت وأنا عندي رغبة كبيرة بالتعلم والتطوير. ومن حسن حظي إني كنت تحت قيادة المهندسة Noor Naser ، الإنسانة والقائدة اللي كان إلها فضل كبير بكل خطوة تعلمتها بعد رب العالمين. كانت داعمة ومتعاونة بشكل استثنائي، وآمنت بقدراتي حتى بالأوقات اللي كنت لسا بتعلم فيها أبسط التفاصيل. من أول يوم دخلت فيه اللجنة، حسّيت إني بين نخبة من الأشخاص المميزين؛ ناس بيجمعهم الشغف والالتزام وحب العطاء. وكل يوم كنت أتعلم إشي جديد وأكتشف معنى جديد للعمل الجماعي الحقيقي. ومن الأشياء الجميلة اللي رح تبقى عالقة ببالي، إنه اللجنة كانت دايمًا تذكرنا بأهمية الإخلاص بالعمل واستحضار النية لله بكل خطوة بنعملها. وهاد الشي كان يعطي للشغل معنى مختلف، ويخلينا نستشعر قيمة اللي بنقدمه بعيدًا عن أي شيء آخر. وبعد عدة أشهر من عضويتي باللجنة، أُتيحت لي الفرصة أنه أكون أمين سر اللجنة الأكاديمية. كانت أول تجربة إلي بهذا المجال، وكانت من أكثر التجارب اللي تعلمت منها واستفدت منها على المستوى الشخصي والمهني. خلال هاي التجربة اكتسبت كثير من المهارات التقنية والتنظيمية، بالإضافة لمهارات التواصل والعمل الجماعي وتحمل المسؤولية. والأجمل من كل هاد إنها ساهمت بشكل كبير في صقل شخصيتي، وعلمتني أشياء كثيرة رح تبقى مرافقتني حتى بعد انتهاء التجربة. وبعد شهرين من تولّي أمانة السر، اضطرّيت أغادر الفريق لظرف خاص. وكانت من أصعب القرارات واللحظات بالنسبة إلي، لأني ما كنت بترك فريق عادي، كنت بترك مكان أعطاني كثير خبرات وفرص للتعلم والتطور، وتعرفت فيه على أشخاص رائعين رح أضل ممتنة إلهم دائمًا. رغم إن فترة انتسابي ما تجاوزت تقريبًا سبعة أشهر، إلا إن أثرها بداخلي كان أكبر بكثير من مدتها. كانت تجربة تركت أثر جميل، ورح تضل واحدة من المحطات المميزة اللي أفتخر فيها بمسيرتي التطوعية. كل الشكر لأعضاء اللجنة الأكاديمية اللي شاركتهم هاي الرحلة، ولكل شخص ساهم بتعليمي أو دعمي أو أعطاني فرصة أتطور. وجودكم كان جزء كبير من جمال هاي التجربة، وتعلمت منكم أكثر مما تتخيلوا. وشكر خاص للمهندسة Noor Naser ، على ثقتك ودعمك وصبرك، وعلى كل إشي قدمتيه إلي خلال هاي الرحلة. كنتِ مثال للقائد اللي بصنع فرق حقيقي بحياة فريقه، وكان إلك أثر كبير جدًا بتجربتي. وعندي قناعة دايمًا: أي تجربة بالحياة، سواء كانت سنوات أو شهور أو حتى مجرد دقائق، أكيد فيها درس أو قيمة ممكن نتعلمها. لأن التجارب ما بتنقاس بمدتها، بتنقاس بالأثر اللي بتتركه فينا، وبالمعرفة والخبرة اللي بنطلع فيها منها. شكرًا Turbo Team … على كل شيء. 🤍