Post by Hana Bassem

فكرة انك تجيب حد يشتغل و تسأله What's your expected salary ؟ و لما يجاوب بأقل من البادجت اللي الشركة مقدراها لـ position دة ف تزوده شوية كأنه كدة better offer بجد غباء. - مثلاً البادجت 10 و هو قالك 5 ف تقول تمام السالري 6 فيوافق. اولاً: ربنا هيحاسبك على الشخص اللي كان ممكن ياخد مبلغ كويس و يعيش بشكل أفضل و انت وقفت رزقه. ثانيًا : الفلوس اللي وفرتها للشركة مش هتروح لك كدة كدة ف استفدت ايه؟ ثالثًا: بعد فترة (قصيرة جدًا لأن ربنا مابيرضاش بالظلم) الـ Candidate هيعمل سيرش و يفهم او هيجيله Recruiter ابن حلال يعرض عليه اوفر اكبر (اللي هو حقه و سعره في الماركت) و ساعتها حتى لو مكملش معاك 3 شهور طبعا هيمشي و يسيبك رابعًا : حابه افكرك انك كدة مخسرتش الموظف بس، خسرت الموظف و وقت و مجهود لأنك هتجيب واحد غيره ياخد سعر الماركت لو اتعلمت من اخطائك و يكلفك Training و ربنا ممكن يبتليك كمان بحد مش بنفس شطارة الشخص اللي سابك و مشي. اتقوا الله في الشغل قبل اي حاجه و احكم على أفعالك بالحرام و الحلال قبل اي استنصاح و تشغيل دماغ، و طبعا اللي مترضاش انه يحصل معاك ماتعملوش مع غيرك. #Copied