Post by Hama Salim khdir

بەناوی خوای گەورە گرافی وێڵ لۆگ(Well Log Plot) گرافی وێڵ لۆگ لەسەر کاغەز یان شاشە، بە شێوازێکی ستانداردی جیهانی ڕێکدەخرێت بۆ ئەوەی جیۆلۆجیست و ئەندازیارانی نەوت بتوانن بە ئاسانی و بە یەک چاو لێکدانەوەی بۆ بکەن. ئەم پێکهاتەیە بە شێوەی ستونی دابەش دەبێت بەسەر چەند هێڵێکدا کە پێیان دەوترێت تراک (Tracks). لێرەدا کورتەی پێکهاتە سەرەکییەکانی ناوی و بەشەکانی ڕوون دەکەمەوە : 1️⃣ تراکی یەکەم (Track 1 - Lithology): لە لای چەپەوەیە و لۆگەکانی وەک (Gamma Ray و Caliper) لەخۆدەگرێت. ئامانجی سەرەکی دیاریکردنی جۆری بەردەکانە (بۆ نموونە جیاکردنەوەی Shale لە Sandstone). 2️⃣ تراکی دووەم (Track 2 - Resistivity): لە ناوەڕاستدایە و لۆگەکانی Resistivity لە قووڵایی جیاوازدا پیشان دەدات بۆ ناسینەوەی جۆری شلەمەنی ناو خەزانەکە (نەوت، گاز، یان ئاو). 3️⃣ تراکی سێیەم (Track 3 - Porosity): لە لای ڕاستەوەیە و لۆگەکانی (Density و Neutron) لەخۆدەگرێت. بەکاردێت بۆ حیسابکردنی ڕێژەی کونیلەداری (Porosity) و دۆزینەوەی گاز لە ڕێگەی دیاردەی (Gas Crossover). تەنها بەسەیرکرنی ئەم سێ بەشە کە لەسەر وێنەی کۆمپیوتەری well log پیشان دەدرێت ئەندازیار دەتوانێت بڕیار بدات لەسەر جۆری (شلەکە ٫ جۆری بەردەکە (پێکهاتەکەی) ، وە بڕی عەمبارکراوی هایدرۆکاربۆن بەوردی دیاری بکاتن . بەهیوای سوود وەرگرتن