Post by halima EL HARIZ

كيفاش مشروع جاب آلاف الزبناء، جمع الاستثمار، ووقف فـ أقل من عامين؟ هادشي وقع فعلاً مع Pantofit. الفكرة كانت بسيطة وذكية: تطبيق كيخليك تتمرن فعدة قاعات رياضية باشتراك واحد. الفكرة لقات نجاح كبير، وآلاف الناس تسجلو، وحتى المستثمرين آمنو بالمشروع. من برا... كلشي كان كيبان ناجح. ولكن من الداخل، كانت كاينة مشاكل ما كان حتى واحد كيشوفها. المشكل ما كانش فنقص الزبناء... وما كانش حتى فالفكرة... كان فقرارات خذاها الفريق أثناء رحلة النمو. وفهاد الشي كاين أكبر الدروس لأي واحد عندو مشروع أو كيفكر يبدا واحد. فهاد المقال غادي تلقاو أهم الدروس اللي خرجت بها من هاد القصة. هاد المقال كيلخص غير جزء صغير من المشاريع و الدروس لي هضرنا عليها فبودكاست Business Autopsy، بدر شارك لأول مرة تفاصيل المسار ديالو مع 4 مشاريع بناهم بين المغرب ودبي. هضر بصراحة على: - كيفاش قدر يقنع المستثمرين. - الأخطاء اللي دار. - القرارات اللي كان خاصو ياخذها بطريقة مختلفة. - والدروس اللي بقات معاه حتى اليوم. إلى كنت Entrepreneur، أو كتفكر تطلق مشروعك، كنضمن ليك غادي تلقى أفكار غادي تبدل بزاف ديال القناعات اللي عندك على النمو والنجاح. 📖 المقال كاين أسفل هاد المنشور. 🎙️ ورابط الحلقة غادي تلقاه فآخر المقال. تحياتي #MoroccanEntrepreneurs #StartupMorocco #Entrepreneurship #Startups #Business_Autopsy