Post by halima EL HARIZ

سعيدة جداً نشارك معاكم أول حلقة من البودكاست ديالي Business Autopsy 🎙️ وأول ضيف اخترت نبدأ به هاد الرحلة هو Badr GRINA بدر هو مثال لشاب مغربي بدا مسارو بطريقة عادية جداً... قرا فـ المدرسة المغربية، كان غادي فالمسار ديالو، وما كانش عندو حتى فكرة على عالم المشاريع ولا ريادة الأعمال. ولكن فواحد اللحظة، اكتشف هاد العالم ولقى راسو فيه. ومن تما، خدا قرار جريء: ما يمشيش مباشرة لمسار وظيفي من بعد التخرج، ولكن يبدأ يبني المشروع ديالو. اليوم، بدر عندو غير 26 سنة، ولكن عندو حصيلة ديال أكثر من 4 تجارب ومشاريع فالمغرب وخارج المغرب. بعض هاد المشاريع وصلات لمراحل نجاح مهمة، ولكن توقفت من بعد بسبب قرارات ما كانتش صحيحة، أو بسبب عوامل خارجة عن الإرادة. فهاد الحلقة، بدر شارك معانا الجانب اللي ما كيبانش فـ Media: - الكواليس. - القرارات الصعيبة. - الأخطاء اللي ما كيبانوش حتى كتدخل للعالم الحقيقي ديال البزنس. حيت ملي كتبدا مشروع، كتكتشف أن ريادة الأعمال ماشي غير فكرة زوينة وحماس... - كاين السوق. - كاين الزبون. - كاين التنفيذ. - وكاين بزاف ديال التحديات اللي ما كيهضر عليهم حتى واحد. إلى كنت بادي مشروع، ولا كتفكر تبدا ، أنا متأكدة أن هاد الحلقة غادي تعطيك بزاف ديال الأفكار والدروس اللي تقدر تستافد منها. شكراً بزاف بدر على الصراحة وعلى sens de partage ديالك، وعلى أنك شاركت معنا تجارب ماشي دائماً ساهل الإنسان يهضر عليها. نتمنى ليك كل التوفيق فالمغامرات الجاية، وإن شاء الله بالمزيد من النجاح. 🎙️ الحلقة متوفرة على Spotify و Youtube الروابط في التعاليق  تحياتي #Entrepreneurship #Startup #Business #ريادة_الأعمال #BusinessAutopsy