Post by Giga Phartenadze

🇬🇪🇺🇸 მოხარული ვარ, რომ მომეცა შესაძლებლობა, ვიყო ქართველი ახალგაზრდა ლიდერების დელეგაციის ხელმძღვანელი და ჩემს კოლეგებთან ერთად აშშ-ში ღირსეულად წარმოვადგენდეთ საქართველოს. ამ დღეებში ვიმყოფებით ამერიკის შეერთებულ შტატებში Open World Program-ის ფარგლებში, რომლის მთავარი მიზანია ამერიკული Rule of Law-ის პრაქტიკული მოდელის, არჩევნების ადმინისტრირებისა და დემოკრატიული ინსტიტუტების მუშაობის სიღრმისეული გაცნობა. ვიზიტის ფარგლებში უკვე გვქონდა არაერთი მნიშვნელოვანი შეხვედრა აშშ-ის საკანონმდებლო, სასამართლო და საარჩევნო სისტემების წარმომადგენლებთან. განსაკუთრებული შთაბეჭდილება მოახდინა კონგრესის საგარეო ურთიერთობების მიმართულების წარმომადგენლებთან, ფედერალური სასამართლოს ერთ-ერთ გამორჩეულ მოსამართლესთან, საარჩევნო ადმინისტრაციის ხელმძღვანელებთან და Minnesota Secretary of State-ის ოფისში გამართულმა შეხვედრებმა. ასევე დეტალურად გავეცანით შემდეგ თემებსა და ინსტიტუციების საქმიანობას: • U.S. Courts and Elections; • Minnesota Secretary of State; • Minnesota Bar Association; • Role of Journalists in Rule of Law and Election Transparency; განსაკუთრებით საინტერესო იყო ამერიკული გამოცდილების გაცნობა ახალგაზრდების საარჩევნო პროცესში ჩართულობის, არჩევნების გამჭვირვალობის, სამართლის უზენაესობისა და დამოუკიდებელი პროფესიული ინსტიტუტების როლის მიმართულებით. ამ პროგრამაში მონაწილეობა არა მხოლოდ დიდი პროფესიული გამოცდილებაა, არამედ კიდევ ერთხელ გვახსენებს, რამდენად მნიშვნელოვანია ძლიერი დემოკრატიული ინსტიტუტები, თავისუფალი არჩევნები და კანონის უზენაესობა თითოეული ქვეყნის წარმატებული განვითარებისთვის. განსაკუთრებული მადლობა მინდა გადავუხადო Lewis-ს გამოცხადებული ნდობისთვის, მხარდაჭერისთვის და იმ შესაძლებლობისთვის, რომ ქართველი დელეგაციის ხელმძღვანელობის ეს საპასუხისმგებლო მისია მანდო. ეს ნდობა ჩემთვის დიდი პატივია და ამავდროულად კიდევ უფრო ზრდის პასუხისმგებლობას, ღირსეულად წარმოვადგინოთ საქართველო და დავბრუნდეთ ახალი ცოდნით, გამოცდილებითა და იმედით, რომ დემოკრატიული ღირებულებები ყოველთვის ყველაზე მტკიცე ხიდია ქვეყნებსა და ხალხებს შორის. #OpenWorldProgram Global Minnesota Library of Congress