Post by Forsvarets forskningsinstitutt - FFI

Vil du utvikle kvantesensorar til bruk i Forsvaret? Ønskjer du å bidra til å bringe kvanteteknologi frå laboratoriet til praktiske bruksmåtar for Forsvaret? Vi søkjer ein ph.d-kandidat som vil arbeide med kvantesensorar basert på nitrogen-vakansar (NV) i diamant, med mål om å utvikle robuste og anvendbare løysingar. Stillinga ligg i skjeringspunktet mellom kvantefysikk, elektronikk og systemutvikling, med vekt på å løfte teknologien mot høgare modnadsnivå. Forskinga rettar seg mot bruksmåtar innan situasjonsforståing, særleg for undervassoperasjonar og navigasjon i miljø utan moglegheit for satellittnavigasjon. Du vil bli ein del av eit sterkt fagmiljø og inngå i eit nasjonalt senter innan kvanteteknologi, Defects in Semiconductors for Quantum Sensing, etablert i samarbeid med Universitetet i Oslo, SINTEF og nordiske partnarar i Sverige og Danmark. Senteret dekkjer heile breidda frå grunnleggjande forsking til bruksnær teknologiutvikling og gir gode moglegheiter for fagleg utvikling og for tverrfagleg og internasjonalt samarbeid. Vi ser etter ein analytisk og initiativrik kandidat med sterk interesse for eksperimentelt arbeid og som blir motivert av å omsetje avansert fysikk til praktiske løysingar. ✅ Arbeidsoppgåver 👉 eksperimentell utvikling og karakterisering av kvantesensorar basert på NV-senter i diamant 👉 optimalisering av sensorars yting, inkludert sensibilitet, stabilitet og *signal-til-støy-forhold 👉 utvikling og implementering av måleoppsett (optikk, mikrobølgjekontroll og elektronikk) 👉 datainnsamling, analyse og modellering av eksperimentelle resultat 👉 utvikling av nye sensorkonsept retta mot bruksmåtar i krevjande operasjonelle miljø 👉 dokumentasjon av resultat og publisering i vitskaplege tidsskrift og konferansar Les meir og søk innan 4. mai https://lnkd.in/eiJxMp_r #Kvantesensorer #Kvanteteknologi #Forsvaret #PhdKandidat #Systemutvikling #FFI