Post by Forsvarets forskningsinstitutt - FFI

Har du lyst til å løyse komplekse bioinformatiske problem for å gjere Noreg tryggare? 🧠👩‍🔬 Vi søkjer etter ein dyktig og engasjert medarbeidar som kan styrkje vår forskings-, utviklings- og innovasjonsverksemd innan deteksjon og karakterisering av biologiske truslar. FFI forskar på problemstillingar innanfor og på tvers av ei rekkje fagdisiplinar knytte til dette og har unik nasjonal kunnskap og kompetanse innan deteksjon, identifikasjon og overvaking av biologiske agens. FFI skal bidra til å styrkje Noregs forsvarsevne i fred, krise og krig gjennom forsking, utvikling og innovasjon. FFIs analyselaboratorium for CBRNE-midlar er eit nasjonalt CBRE-beredskapslaboratorium og det einaste i Noreg som har evne til å handtere og analysere prøvar med ukjent innhald av giftige kjemikaliar, biologiske trusselstoff, radioaktivt materiale og eksplosiv. Analyselaboratoriet for CBRNE-midlar er akkreditert i samsvar med ISO 17025. Vil du bli ein del av denne viktige nasjonale beredskapsevna? ✅ Arbeidsoppgåver Som forskar vil du mellom anna bidra til å vidareutvikle det mikrobiologiske laboratoriet vårt og utvikle nye analysemetodar basert på moderne sekvenseringsteknologi og bioinformatikk. Det er viktig at du ser problemstillingane i ein forsvars- og samfunnskontekst og evner å synleggjere relevansen og bruken på forskinga Du vil bli ein del av eit unikt og tverrfagleg fagmiljø med brei kompetanse både på avdelinga og instituttet. Du vil arbeide i team og som sjølvstendig forskar. Stillinga inneber òg å bidra til å halde oppe og vidareutvikle samarbeidet vårt med nasjonale forsvarsaktørar og sivile aktørar og med internasjonale fagmiljø innanfor NATO og EU. Døme på arbeidsoppgåver: 👉 drive forsking, utvikling og innovasjon innan bioinformatiske analysar og utvikle og halde #pipeline ved like og databasar, inkludert å bruke sekvenseringsteknologi for deteksjon, identifikasjon og karakterisering av biologiske agens i komplekse prøvar 👉 publisere i fagfellevurderte tidsskrift, utarbeide forskingssøknader til konkurransebaserte utlysingar og formidle forskingsresultat gjennom rapportar, rettleiing, presentasjonar og representasjon i relevante nasjonale og internasjonale fora Les meir og søk innan 6. mai 👇 https://lnkd.in/dSykwi4t #Bioinformatikk #NasjonalBeredskap #CBRNE #Forsvaret #FFI #Forskning