Post by Fatma Hamada

يا ترى أنت قائد ولا مدير؟! 👀 استنى… متجاوبش دلوقتي. 🤌 اقرأ البوست الأول، وبعدها جاوب. من فترة بشمهندس محمد Mohamed Elkandeely -Head of Talent management at Rally Al-Azhar University كان طالب مننا تاسك وهو إننا نسمع ونلخص حلقة من بودكاست دوباميكافين و اللي كانت بتناقش الفرق بين القائد والمدير. في البداية كنت فاكرة إن الاتنين مجرد مسميين لنفس الشخص، لكن مع الحلقة اكتشفت إن الفرق الحقيقي مش في المسمى الوظيفي ولا في المنصب… الفرق بيبدأ من طريقة التفكير، وأسلوب التأثير، والطريقة اللي كل واحد بيقود بيها فريقه. فالمدير بيهتم بالتخطيط، والتنظيم، ومتابعة التنفيذ، لأنه مؤمن إن وجود نظام قوي هو اللي يضمن استمرارية الشغل. أما القائد، فبيركز على الأشخاص، لأنه عارف إن الناس هي اللي بتصنع النظام، مش النظام هو اللي بيصنع الناس. ويمكن دي كانت أكتر فكرة وقفت عندها… لأننا أوقات بنقضي وقت طويل في تحسين الأنظمة، وننسى إن نجاح أي نظام في النهاية بيعتمد على الناس اللي بتشتغل بيه. ومن أكتر الفروقات اللي لفتت انتباهي: 🔹 المدير يعتمد على السلطة المرتبطة بمنصبه، بينما القائد يبني تأثيره على الثقة والاحترام. 🔹 المدير يسأل: “إزاي ننفذ؟” أما القائد فيبدأ بسؤال: “ليه بنعمل ده؟” 🔹 المدير يركز على التخطيط والإجراءات، بينما القائد يركز على الرؤية والاستراتيجية. 🔹 الإدارة هدفها الحفاظ على استقرار النظام، أما القيادة فدورها قيادة الناس خلال التغيير. 🔹 المدير قد يرى نفسه مسؤولًا عن الفريق، بينما القائد يرى نفسه جزءًا منه. 🔹 المدير يعمل على إنجاز المهام، أما القائد فيعمل على بناء أشخاص قادرين على إنجازها. ومن أشهر العبارات اللي لخصت الفرق بين الإدارة والقيادة: “Managers do things right. Leaders do the right things.” — Peter Drucker أي إن المدير يركز على تنفيذ العمل بالطريقة الصحيحة، بينما القائد يركز على اختيار الشيء الصحيح الذي يجب القيام به من الأساس. وكمان كانت فيه فكرة خلتني أبص لاتخاذ القرار بطريقة مختلفة… إن مش كل قرار كانت نتيجته كويسة يبقى قرارًا صحيحًا، ومش كل قرار كانت نتيجته سيئة يبقى قرارًا خاطئًا. لأن الحكم على جودة القرار بيكون بناءً على المعلومات المتاحة وطريقة التفكير وقت اتخاذه، مش على النتيجة النهائية فقط. شكرًا لبشمهندس محمد على ترشيح الحلقة، وكانت فعلًا من الحلقات اللي تستحق التدوين والرجوع لها أكتر من مرة. 🌿 ودلوقتي جه دوركم… 👀 بعد ما عرفنا الفرق، شايفين الشخص الناجح لازم يبقى قائد ومدير في نفس الوقت؟ ولا يكفي إنه يكون متميز في واحد منهم؟ وليه؟ #Leadership #Management #LeadershipDevelopment #CareerGrowth #Learning #PersonalDevelopment