Post by Fatimazahra Arrai

واش يمكن جوج محلات يديرو نفس Chiffre d'affaires ويكون واحد فيهم كيخدم أحسن من الآخر؟ إلى كان الجواب بالنسبة ليك هو: لا، نفس رقم المعاملات يعني نفس الأداء. فغالباً خاصك تعاود تشوف الطريقة اللي كتحلل بها الأرقام. مسؤولي الريتايل أول حاجة كيركزو عليها هي الشيفر دافير. طلع، راه مزيان، هبط، خاصنا نخدمو أكثر. ولكن الواقع فالريتايل أكثر تعقيد من هاد الشي. مثال جوج محلات، بجوج بهم دارو نفس رقم المعاملات. سطحيا كيبان أنهم حققو نفس النتيجة. ولكن ملي كتبدا تحلل الأرقام، كتكتاشف الفرق. المحل الأول دخل عندو عدد كبير ديال الزبناء، ولكن أغلبهم شرا غير حاجة وحدة. أما المحل الثاني، دخل عندو زبناء أقل، ولكن أغلبية Les tickets فيهم أكثر من حاجة وحدة. فالآخر، نفس CA ولكن ماشي نفس الأداء. المندجر ما خاصوش يعرف شحال باع المحل. ولكن خاصو يعرف علاش دخل هاد رقم المبيعات. واش المشكل فعدد الزبناء؟ ولا فنسبة التحويل، Taux de Transformation؟ ولا Panier Moyen؟ ولا الفريق ما بقاش كيقترح Vente Additionnelle؟ حيت القرار اللي غادي تاخدو غادي يتغير حسب السبب الحقيقي. فالريتايل الأرقام بوحدها ما كتعطيكش الجواب. الأرقام كتعطيك غير إشارات... أما الجواب الحقيقي، خاصك تعرف تقلب عليه فالتيران أي واحد يقدر يشوف رقم المبيعات. ولكن Store Manager المتمكن هو اللي كيعرف علاش وصل لهاد الرقم، وشنو خاصو يبدل باش يطلع أكثر. وهنا كيبان الفرق بين شخص كيتبع الأرقام... وشخص كيسوق المحل بالأرقام. #Retail #StoreManager #RetailManagement #KPI #Leadership #Management ---