Post by Fatimazahra Arrai

فاش كيكون الشيفر طالع كتقول أنا، وفاش كيطيح كتقول L’équipe ما خدامينش؟ هادشي ماشي management، هادي قلة Ownership . ​واحد من أكبر الأخطاء اللّي يقدر يطيح فيها Manager, هي هاد العقلية. نهار كيكون المحل وصل L’objectif كتلقاه كينسب النجاح كلو له و كيهضر بصيغة أنا ​ولكن، نهار يكون الشيفر ناعس والـ KPIs فـالأحمر كيشير بأصابع الاتهام نيشان L’équipe. ​باش تكون قائد، خاصك تفهم و تبنى العقلية ديال Ownership (تحمل المسؤولية الكاملة). هاد المفهوم ماشي تكنيك كيتقرا فـالكتوبة، بل هو الروح ديال Leadership فـالتيران، وكيتبنى على جوج قواعد: 1. التواضع فـالنجاح (Humilité): فاش المحل كيحقق أرقام إيجابية، المانادجر كيرجع خطوة للور وكيضوي على الفريق ديالو. هو عارف بلي وخا حط الإستراتيجية، راه هادوك الدراري اللّي واقفين على رجليهم نهار كامل هما اللّي كافحوا مع الكليان باش يطلعوا الـشيفر. 2. الشجاعة فـالخسارة (Courage): نهار كتكون السيمانة ناعسة والـ Traffic طايح، المانادجر هو اللّي كيحمي ظهر الفرقة ديالو قدام الإدارة. كيتحمل المسؤولية كـقائد سفينة،ومن بعد كيجلس مع الفريق باش يحللوا الخلل ويحطو Plan d'action. ​ الدراري فـالمحلات ما كيتسناوش منك تكون مانادجر معصوم من الخطأ و Perfect فكلشي. هما باغيين غير Manager juste (مانادجر عادل): يعطيهم حقهم ويشجعهم فاش ينجحو، ويوقف معاهم ويزيد بيهم للقدام فاش تزير الوقت . ​#الريتايل #القيادة_الميدانية #إدارة_المحلات #تطوير_الفرق #RetailMaroc #KPIs #LeadershipRetail #Management #RetailMasterAcademy