Post by Fatima Nour

وآخر دعواهم أن الحمد لله رب العالمين"🎓🎉 الحمد لله حمداً كبيراً طيباً مباركاً فيه.. أخيراً وبفضل الله وتوفيقه، انتهت رِحلة من أصعب وأجمل سنين حياتي، ناقشت مشروع تخرجي في هندسة التصميم والإنتاج بجامعة بنها وحصلت على تقدير امتياز مشروع التخرج وامتياز تقدير السنه ككل الحمدلله الحمدلله الحمدلله.♥️🎊🌟 مشاعري متلخبطة بين فرحة كبيرة بإن المشوار تم على خير، وبين إحساس بالامتنان لكل خطوة وكل حد كان معايا في الطريق ده. الوصول للمحطة دي مكنش هينفع يكمل ولا يبان بالجمال ده لولا وجود ناس حقيقيين سابوا أثر في قلبي: دكاترتي الأفاضل: شكراً من قلبنا على كل معلومة، وكل نصيحة، وكل وقت قدمتوه لينا. كنتم لينا أكتر من مجرد أساتذة، كنتم قدوة بنتعلم منها يعني إيه مهندس بجد، ودعمكم لينا طول فترة المشروع عمرنا ما هننساه وبالذات دكتوري الفاضل د عطيه جمعه لم تبخل علينا وكنت خير الاستاذ والمعلم والوالد ربنا يبارك فى علم حضرتك وتفضل دائما ذو أثر طيب attia gomaa Somaia Attia Gomaa زملائي لولاكم كانت الأيام دي هتبقى تقيلة قوي. شكراً على كل كل لحظه تعب هونتوها عشان نخلص الشغل، وعلى كل لحظة إحباط قلبناها ضحك وهزار عشان نعدي، وعلى المعافرة والتعب في مشروعنا مع ELARABY Group وشكرا من القلب لكل المهندسين ال ساندونا م مرسي وم احمد البنا شكرا لثقتكم فينا Ahmed Elbana وحقيقي مكناش هنقدر نحقق ده من غير دعمكم ♥️ والنجاح ده طعمه حلو عشان تعبنا فيه سوا Ahmed Rabee Ahmed Diab Wagdy Atef Yacoub Qaoud أهلي وسندي جيشي الأول والأخير.. اللي استحملوا توتري وضغطي، ودعواتهم هي اللي كانت بتفتح لي كل الأبواب المقفولة. كل نجاح أنا فيه هو ليكم وبسببكم.🥹♥️ والحمد لله اليوم انتهى بانى نزلت فى مجله"حدوتى" واتكتب عني وشاركت فرحتى مع طلابي وشغلى فى Strivedu Institute 🥰♥️ النهاردة قفلنا صفحة وبنفتح صفحة جديدة خالص.. خارجين بشهادة، بس الأهم إننا خارجين بشغف وطموح مالوش آخر إننا نثبت نفسنا في سوق العمل ونطبق كل اللي اتعلمناه في تطوير الصناعة والإنتاج. خطوة وانتهت بكل تعبها وحلاوتها، وتبدأ من النهاردة رحلة السعي الحقيقي.. دعواتكم لينا بالتوفيق في اللي جاي 🎓 الحمد لله ♥️👷 ال عنده فرصه شغل حلوة ليا بقي يقول 😂♥️ #مناقشة_مشروع_التخرج #هندسة_بنها #Graduation #MechanicalEngineering #ElarabyGroup #LeanManufacturing #NewBeginning