Post by Khaled Abu Hussein
Turning ideas into products with real market value | Business Development, B2B Partnerships & Customer Loyalty | Founder @ 3DTECH | 16+ yrs in business | 3D Printing & Corporate Gifts
فيه فرق بين إنك تبقى عندك فكرة...وإنك تبقى فاهم السوق. وده كان من أكتر الدروس اللي خرجت بيها من حلقة د. Maged Ghoneima كان ضيف مع م. Mohamed Aboulnaga في بودكاست "المال الحلال". الحلقة ماكانتش عن البيزنس بس كانت عن إزاي الناس بتتبني من بدري. إزاي طفل بيحب يفك الأجهزة ويركبها تاني... ممكن يكبر ويبقى شخص بيحب يفهم الأنظمة ويحسنها ويبني شركات. وده خلاني أفكر: كتير من الحاجات اللي بنعملها وإحنا صغيرين بتبقى إشارات مبكرة أكتر مما نتخيل. ومن أهم الأفكار اللي اتكلموا عنها: -مش كل فكرة مشروع تستاهل تتنفذ دلوقتي. ممكن تكون الفكرة ممتازة... لكن السوق لسه مش جاهز لها. خصوصا في التكنولوجيا. قبل ما تبني منتج أو شركة... اختبر. و اسأل العملاء. و شوف الناس مستعدة تدفع ولا لأ. السوق هو اللي بيقرر في النهاية. - لو عايز تتأكد إنك فهمت حاجة فعلا...اشرحها لغيرك. قاعدة بسيطة لكن فعالة جدا. لأن أول ما تبدأ تشرح هتكتشف بسرعة: إيه اللي فاهمه بجد...وإيه اللي كنت فاكر إنك فاهمه. - النجاح في سوق مش معناه النجاح في أي سوق. السوق المصري غير الخليجي. والخليجي غير الأمريكي. كل سوق له ثقافته. له قوانينه. وله طريقة مختلفة في اتخاذ القرار والشراء. عشان كده نقل التجارب كما هي من سوق لسوق غالبا بيكون مكلف. - من أخطر الحاجات دلوقتي...إن شركات كتير بقت تضيف AI أو Deep Tech في وصفها لمجرد إن المصطلحات مطلوبة. لكن السؤال الأهم: هل التكنولوجيا دي جزء حقيقي من المنتج؟ولا مجرد عنوان؟ على المدى الطويل..الصدق في وصف المنتج والشركة أهم من أي Buzzwords. -واختيار الشريك أو الفريق أو حتى شركة للاستحواذ عليها..مش قرار مبني على الأسماء بس. لكن على القيم المشتركة. والقدرة على التنفيذ. والتكامل الحقيقي. ومن أجمل النصائح اللي اتقالت في الحلقة: مش لازم تبدأ كل حاجة من أول السطر. دور على Mentor محترم.حد سبقك بخطوات. اتعلم من أخطائه قبل نجاحاته. ممكن يوفر عليك وقت ومجهود وسنين من التجارب. وفي رأيي... أقوى رسالة في الحلقة كلها كانت: "خليك صادق مع السوق." لا تبالغ في وصف منتجك.ولا تبني شركة على وعود أكبر من الواقع. لأن الثقة أصعب حاجة تتبني...وأسهل حاجة تتكسر. أنصح أي صاحب شركة أو Startup أو أي حد بيبني منتج جديد يسمع الحلقة كاملة. لينك الحلقة في أول كومنت.
Video Content