Post by Adham Al-Sharqawy

كان إيفنت جميل جدًا، وسعيد جدًا إني حضرته. ❤️ محاضرة دكتور Mostafa Saad Ibrahim كانت مفيدة جدًا، ومش بس على المستوى التقني، لكن كمان في تحسين العقلية وطريقة التفكير. وجزء الرد على الأسئلة كان أقرب لقعدة مع شخص أكبر منك خبرة في المجال والحياة عمومًا، بيسمعك وينصحك من قلبه، وده كان من أكتر الحاجات اللي عجبتني. بصراحة، دكتور مصطفى قامة علمية متميزة جدًا في المحتوى العربي، وشخصية فريدة فعلًا في مجالنا. حجم الخبرة اللي مر بيها على مدار السنين سواء على المستوى الأكاديمي أو العملي بيبان بوضوح سواء في كلامه أو في طريقة إجابته على أسئلتنا المتنوعة، وده طبعًا بينعكس على الكورسات اللي بيقدمها على CSkilled. تلاقيه بيشرح بهدوء وعمق، وتحس قد إيه الشخص ده متمكن فعلًا من اللي بيقدمه وعنده خبرة حقيقية بيقدمها ليك. أما على المستوى الشخصي، فهو شخصية جميلة جدًا ومتواضع جدًا، ومابيبخلش على حد بمعلومة أو نصيحة. بتحس إنه نفسه ينقلك كل حاجة اتعلمها في الموضوع علشان تستفيد بأكبر قدر ممكن. بالنسبة لي، بعد اللي جربته، بقيت بفضل CSkilled على أي مصدر عربي تاني في المواضيع اللي بيغطوها، لأن من تجربتي الشخصية، مالقتش محتوى عربي بنفس الجودة. أنا جربت الكورسات اللايف المسجلة، وحاليًا بحضر كورس لايف، وحقيقي أضافولي كتير، وحاسس من غير مبالغة قد ايه المحتوى ده مع التدريب أثر على مهاراتي المختلفة. المحتوى متميز جدًا، سواء من ناحية العمق، أو الخبرة، أو تنظيم المحتوى، أو سلاسة الشرح، وكمان الـ Problems القوية اللي فعلًا بتساعدك تبني الـ Skill، مش مجرد تعد كورسات. جزء الشرح قوي ومليان تفاصيل واللي عجبني في الكورسات مش بس الشرح، لكن طريقة بناء المحتوى. فيه توضيح مستمر لإيه اللي هيفيدك فعلًا في سوق العمل، وإيه اللي هدفه يوسع فهمك أو يفيدك في الدراسة أو أسئلة الجامعات أو الـ Competitive Programming، وده بيوفر عليك لخبطة كبيرة في البداية. مثلا أوقات ممكن يشرحلك حاجة معينة، ويقولك مابنعملش كدا في سوق العمل أو مش هتفيدك أوي في سوق العمل. حتى slides الشرح نفسها مكتوبة بشكل احترافي جدا وبتنفعك في المراجعة بالتفصيل. ومن أكتر الحاجات اللي بتميز الكورسات كمان طريقة اختيار الـ Problems. التدرج من Easy لـ Medium لـ Hard كان منطقي، وعدد الـ Problems مناسب، ونادر جدًا تلاقي Problem موجودة من غير هدف. وحتى لو رجع لنفس الفكرة، بيخليك تفكر فيها بأكثر من Solution، وده فعلًا بيوسع طريقة تفكيرك. غير كده، كمية النصائح اللي بتتقال أثناء الشرح بتساعدك تبني عقلية صح، وبتوضحلك حاجات كتير ممكن تكون كانت غامضة بالنسبة لك. ماتحرمش نفسك من فرصة تتعلم بجودة عالية. كل دقيقة هتستثمرها في المكان الصح، ومع الاستمرارية، هتفرق معاك على المدى البعيد. وحتى من ناحية التكلفة، فيه نظام دين بلا قلق بيسهل على ناس كتير تبدأ من غير ما تكون التكلفة عائق خالص في البداية، وتقدر تعرف تفاصيله من الأكاديمية. استثمر في نفسك واختار دائما المصدر الأفضل، مافيش أي مبرر يخليك تظلم نفسك في جودة المحتوى اللي بيتقدم لك بالذات في عصرنا ده، وبالذات إن المنافسة في السوق بتزيد يوم بعد يوم، وبسبب تطور الذكاء الاصطناعي مش هينجوا في السوق إلا أصحاب المهارات، واللي هيستثمر في نفسه ويتعلم صح أكيد هيكون عنده فرصة أكبر، لأن في النهاية اللي بيفرق فعلًا هو جودة المهارة، مش عدد الكورسات. شكرًا لكل الناس اللي نظمت الإيفنت وطبعا باشمهندس Adel Ali وعلى الجزء بتاعه والتنظيم، وشكرًا لدكتور مصطفى على كل معلومة قدمها لينا وشخصيته الجميلة. ❤️