Post by Eman Hamdy
Network Security Engineer | Penetration Tester | Head of Networking at IEEE Al-Azhar Student Branch
"قُلْ بِفَضلِ اللَّهِ وَبِرَحمَتِهِ فَبِذلِكَ فَليَفرَحوا هُوَ خَيرٌ مِمّا يَجمَعونَ" 🤍 بعد رحلة طويلة و شاقة دامت لشهور كانت مليئة بالتعلم و الشغل حققت ال Gigs في مباردة رواد مصر الرقمية Digital Egypt Pioneers Initiative - DEPI ❤️ حابة أحكي عن أول جيج حققتها و اللي مجتش من يوم و ليلة قعدت أكتر من شهر كل يوم بقدم في proposals على مواقع ال freelance و مكنش فيه أي نتيجة أوقات كتير كنت بيأس و بتراجع بس الحمد لله أول كلاينت كلمني بس للاسف كان في الوقت الغلط 😂🙂 خلاص كان باقي على امتحان الفينال اسبوع بس و كنا خلاص بنحاول ننقذ ما يمكن انقاذه ! و لكن ساعتها قولت و ليه لأ يمكن تصيب المرة دي و الحمد لله بكرم ربنا و دعم صحابي اللي لا يمكن أنساه ابدًا مرت و بنتيجة مكنتش أتوقعها أبدًا ❤️ و النهاردة حقيقي حابة أشكر بشمهندس Omar Emad APTD®, MBA بشمهندس عمر حقيقي من أفضل الناس اللي اتعاملت معاهم و اللي علمنا كتير جدا من خبراته في مرحلة ال Freelance إزاي نعمل CV و Portfolio احترافي و نقدم على مواقع ال Freelance المختلفة ✨🤍 أما مرحلة Coaching و اللي بدأنا فيها الشغل الحقيقي و بدأنا نشتغل بالفعل في مواقع ال freelance و نقدم proposals بشمهندس Marcelino Saad كان معانا لحظة بلحظة ، دايما بيدعمنا و يوجهنا و بيعدل على شغلنا عشان يطلع بأفضل صورة و دايما كان بيفيدنا من خبرته في المجال مش عشان بس نحقق التارجت عشان نكون Freelancers في المستقبل إن شاء الله ✨
