Post by Dr.Zeyad Mahmoud

🩺 كن ذا أثر | Be the Impact 🫀 Episode 4 | " Don't just Memorize the Drug... Understand Why It Was Chosen ". أول مرة شفت عدد الـ Classes الخاصة بالـ Antihypertensives ، حسيت إن الموضوع مستحيل يتحفظ... لكن مع الشرح والتطبيق، اكتشفت إن الفكرة مش حفظ، الفكرة إنك تفهم كل Class بتشتغل إزاي، وإمتى تكون هي الاختيار الأنسب للمريض. في الحلقة دي كانت رحلتنا مع: 💙 Antihypertensives ❤️ Lipid Lowering Agents 🩸 Blood Thinners في جزء الـ Antihypertensives ، بدأت أفهم إن علاج ارتفاع ضغط الدم مش اختيار عشوائي بين مجموعة أدوية، لكن كل Class ليها Mechanism of Action مختلف، ولكل مريض العلاج الأنسب حسب حالته والأمراض المصاحبة ليه. اتعلمت كمان أشهر الـ Active Ingredients في كل Class ، وإيه اللي بيتوفر كـ Single Therapy وإيه اللي بيكون في Combination ، وده ساعدني أفهم الروشتات بصورة أوضح بدل ما أحفظ أسماء أدوية منفصلة. ومن الجانب العملي، اتعرفت على الطريقة الصحيحة لقياس ضغط الدم، وأهم العوامل اللي لازم أراعيها قبل القياس للحصول على قراءة دقيقة، بالإضافة إلى أهم نقاط الـ Patient Counseling ، سواء في النصائح المتعلقة بالعلاج، أو الـ Supporting Supplements المناسبة لبعض المرضى، أو التحذيرات اللي لازم أوضحها أثناء استخدام أدوية الضغط. أما في الـ Lipid Lowering Agents ، فتعلمت إن علاج الكوليسترول مش هدفه تحسين نتيجة التحليل بسس ، لكنه جزء أساسي من الوقاية من أمراض القلب وتقليل خطر الإصابة بالجلطات. وفي Blood Thinners ، فهمت الفرق بين الـ Antiplatelets والـ Anticoagulants ، وإن كل مجموعة ليها دور مختلف، واختيارها بيعتمد على الحالة المرضية، مش لأن فيه دواء أفضل من غيره. أما أكتر حاجة خرجت بيها النهارده، فهي إن التفكير كصيدلي بيبدأ بسؤال: "ليه المريض ده أخد الدواء ده تحديدًا؟" و مش : "اسم الدواء إيه؟" كل يوم في التدريب بيخليني أقتنع أكتر إن الصيدلة مش مجرد معرفة أسماء الأدوية، لكنها فهم، وتحليل، واتخاذ القرار المناسب لخدمة كل مريض. El Ezaby Pharmacy Mohammed Maklad Shimaa Ewais Omnia Maarouf Merna Alaa Nassef Ahmed Nassef ,CPTD®, MBA, TQM Sandy Osama #ElezabyPharmacy #Ez_Summer_Training #Be_The_Impact #كن_ذا_أثر #ElEzabySummerTraining #CommunityPharmacy #ClinicalPharmacy #CVS #Antihypertensives #BloodThinners #LipidLoweringAgents #PharmacyStudent