Post by CDC Construction And Development Co.

إحنا مش بتوع AI هحكيلكم قصة .. الموضوع بدأ من سنتين لما قعدنا مع بعض في الشركة وقولنا عايزين نفعل دور النظام بشكل اقوي نراقب ونتحكم في مشترياتنا و نعمل آلية لطلبات المواقع و نربطها مع خطط التنفيذ من الاخر كنا بنفكر في التربيطه ازاي نبقي شركة مقاولات مرنة و في نفس الوقت نراقب تكاليفنا و نتتبعها و ازاي نتحكم في الكاش فلو ونتابعه واللي في المقاولات فاهم صعوبة الموازنة دي كان عندنا إيمان ان التكنولوجيا عمرها ما بتبني الممارسة هي بس بتسرعها من هنا بدأنا عمل آليه ورقية و يدوية لكل حاجه وقابلنا تحديات كتير و اشتغلنا عليها وحسناها سوا عملنا بدجت مشروع والجابري Ahmed Al-Gabbry كان لوحده بيشتري ويسجل ويتابع و يتحكم وينفذ و زينZain Mohamed يتابع معاه و يتخانقوا مين يعمل ايه 😅 و كنا في تحسين مستمر للممارسة وهنا ظهر م يحيي ناصف Yahia Nasef و اتكلمنا عايزين مراقبة تكاليف و بني النظام يدوي وبقي في ختم مراقبة تكاليف و بدجت بأكواد و محمود علاء و اسلام حمودة دعموا النظام بقوة بس قالو مدحت وطنطاوي و المحمدي ولومومبا محاسبين المواقع الأبطال بيسجلوا مرتين وانتو متعبين يا مهندسين 🙂 م مصطفي قاسم mostafa qasem قالك الناس عايزه تشوف الصورة الكامله معانا كله يشوف دورة حياة المشروع و راح عامل حاجه محترمه و جمعنا كلنا و شرح لكل الناس بالشركه محاسبين و مهندسين تنفيذ و مكتب فني دورة حياة المشروع من أول التندر عندنا بيحصل فيه ايه جوا الشركة لحد ما يتسلم في الوقت ده قعدنا مع شركات برمجيات كتير عشان نشوف نظام يناسبنا للاسف ملقاش حد بيتكلم لغتنا ،، مع احترامنا الكامل للكل لكن محصلناش اللي عايزينه مع طفرة ال Ai و تطور أدواتها بدأ يحيي يبني نظام يناسبنا نظام بيتكلم نفس لغتنا و بيترجم كل اعمالنا اليومية عملنا حاجة كده تفصيل علي اللي بنعمله يحيي قالنا انا عملت حاجة بتعمل اللي انا بعمله بس احنا هنا بنقول ل يحيي بمبادرتك و انتمائك و اللي عملته انت دايما عندك قيمة مضافه و دايما ليك بصمة النهاردة عملنا اول بيان مشتريات من نظامنا الخاص اللي عملناه بايدينا بيان بيحاكي متطلبات شركة مقاولات وهنفضل وراه لحد ما نطوره كامل في أبطال كتير كان ليهم دور كبير اسمهم لم يذكر في البوست ده بس كل منسوبي الشركة ليهم دور حقيقي في كل تطور و كل خطوة بناخدها فشكرا لهم من القلب احنا هنا مبنقولش حاجة جديدة او محصلتش قبل كده في شركات كتير احنا بنحكي قصتنا عشان نقولكم ان اللي خايف ال Ai ياخد مكانه بنقوله انك طول ما انت بتتطور و بتبادر هيفضل ليك قيمة مضافة عمر ما في اي حاجة تقدر تستبدلها . البوست ده مش مكتوب بال AI إحنا مش بتوع AI إحنا بتوع رمل و زلط إحنا بتوع تشطيبات إحنا بتوع كهرباء وميكانيكا إحنا بتوع مقاولات إحنا مش بتوع AI بس بنعرف بنستخدمه 💪 #honstlyITSNotAI #TeamWork