Post by Offres d´Emploi En Tunisie

بربي يا جماعة .. اللي يبعثلي cv معادش تبعثو معاه lettre de motivation انا نحكي علي روحي... راني منحلهاش اصلا و منقرهاش و منشوفش فيها حتي فائدة ... و اصلا كلهم مخدومين بنفس الطريقة و ساعات من كثر ما المترشحين يبعثو لشركات يغلطو يحطوا اسم شركة اخري .. اما بنسبة ليا انا مهياش غلطة لانو معندهاش قيمة ركزوا أكثر في تحضير ال cv فما حاجات لازم تحطها باش تجذب بيها المشغل الأهم بنسبة ليا انو كيف تبعث cv تنجم زادة في الايميل تكتب جملتين تبين فيهم الوظيفة و انت اشنو قريت و متكثروش لانو حتي النص اللي فيه 20 جملة كيف كيف منقراوهش .. و اللي يقلك عكس هذا نشكك شوية في كلامو لأنو أحنا في الانتداب نلعبو علي عنصر السرعة يعني نقراو ال cv في اقل من دقيقة و فما حاجات نركزوا فيها اكثر من الكتيبة الزايدة توا الفترة هذه الطلبة كملو ال PFE و حتي اللي مازال مكملش القراية يحضر لستاج للصيف .. ركزوا بالباهي في تحضير ال cv و اللي يحب يخدموا بطريقة انا نشوفها متوافية الشروط كيف ما تطلب الشركات تنجم تدخلو علي منصة job review و مجانية و مفيهاش تعقيدات و أكيد انا ديمة علي ذمتكم اذا مستحقين نصيحة و ربي يوفق الجميع 🥰🥰